వర్షం కురిసిన రోజు

ఎడతెరిపి లేకుండా కురుస్తుంది వర్షం
పిలవకుండా వచ్చిందే మా ఊరు ఈ చుట్టం!
తెల్లవారిందంటూ గోడ మీద శ్రీనివాసుని పటం
పాడింది శ్రావ్యాంగా సుప్రభాతం!

ఇంకాసేపు పవళించమంటుంది బద్దకం
తెలియలేదు నాకు ఆ రోజు పొంచి ఉన్న ప్రమాదం!
రోజు కన్నా అరగంట ఆలశ్యంగా దిగాను మంచం
తప్పేది కాదుగా చెయ్యాల్సిన ఉద్యోగం!

శ్రీవారు అప్పటికే లేచి చేస్తున్నారు వ్యాయామం
ప్రతి సోమవారం ఇంట్లోనేగా వారి మకాం!
మెరుపు వేగంతో ముగించేసా స్నానం
పెట్టాలిగా మొక్కుబడిగా దేవుడికి నైవేధ్యం!

హడావిడిగా చేసాను ఫలహారం
జాగ్రత్తగా డ్రైవ్ చెయ్యమని శ్రీవారి ఆదేశం!
ఆఫీస్ కి చేరుకోవాలంటే చెయ్యాలి గంట ప్రయాణం
వర్షం, ట్రాఫిక్ కలిసి చూపిస్తాయని తెలుసు నరకం!

కారు గరాజ్ లోంచి బయటికి తీస్తూ చూసుకున్నా సమయం
ఒక్కసారిగా గుండె ఆగిపోయిందా అన్నంత కలవరం!
ఎలాగైనా సమయానికి ఆఫీస్ చేరుకోవాలనే తాపత్రయం
చూసుకోలేదు డ్రైవేయ్  లో ఉన్న శ్రీవారి వాహనం!

వేగంగా కారు రివర్స్ చేస్తూ శ్రీవారి కారుని డీకొన్న వైనం
తెలియలేదు పాపం వారికి నేను చేసిన ఘనకార్యం!
మూడో మనిషికి తెలియకుండా చిత్తగించాను పలాయనం
శ్రీవారికి తెలిస్తే అవుతుందని తెలుసుగా యుద్దం!

మనసు ఉండబట్టలేక ఫోన్ చేసా, వెళ్ళాక కొంత దూరం
ఏంటోయి ఇప్పుడేగా మాట్లాడాం, అంటూ చేసారు పరిహాసం!
తెలపాలిగా వారి కారు నుజ్జు  నుజ్జు  అయిన సమాచారం
నెమ్మదిగా చెప్పాను వారికి జరిగిన విషయం!

సృష్టించారు శ్రీవారు ఫోన్ లోనే ప్రళయం
వారెదురుగా లేకుండా ఉండడం నాకు దేవుడు ఇచ్చిన ఒక వరం!
రోజంతా పనిలో నిమగ్నమవ్వాలని చేసాను ప్రయత్నం
అయినా మనసంతా ఏదో గందరగోళం!

ఇంటికి దిగులుగా చేరుకున్నాను ఆ సాయంత్రం
 పలకలేదు శ్రీవారు ఎంత చేసినా నేను ప్రయత్నం!
ఎన్నడూ చూడని కొత్త రూపాన్ని శ్రీవారిలో చూసాను ఆ దినం
మాట లేదు , పలుకు లేదు, వ్యక్తపరచలేదు తన అవేశం!

నా తప్పేమి లేదని వర్షం మీద వేసాను నెపం
అయినా తగ్గలేదు శ్రీవారి కోపం!
ఎడ మొక్కం పెడ మొక్కం గా చేసాము భోజనం
చేసేదేమి లేక పాంటించా నేను మౌనం!

శ్రీవారు ఏకాగ్రతతో ఇమైల్ టైప్ చేస్తుంటే,వినిపించింది కీబోర్డ్ శబ్ధం
దగ్గరగా చేరి అడిగా ఎవరికా లేఖ అని వివరం!
మనసులో బాధను పంచుకోటానికి, ఉందొక నేస్తం
నీకు చెప్పాల్సిన అవసరం లేదు, అని వచ్చింది సమాధానం!

అసూయతో రగిలిపోయాను ఆ నిమిషం
తన్నుకొచ్చేసింది నాలో  ఉక్రోషం!
చెయ్యలేదుగా నేను ఘోరమైన నేరం
అయినా ఎన్నాళ్ళుగా సాగుతుందో ఈ  రహస్య ప్రణయం!

మొదలయ్యింది ఇద్దరి మధ్యా వాగ్యుద్ధం
తగ్గలేదు నేను, తెలుసుకోవటానికి  ఆయన రహస్యం!
శ్రీవారి  సమాధానం - "నీకు సంబంధం లేదు ఇది నా వ్యకిగతం
అయినా అన్నీ నీకు తెలియాలని లేదుగా నియమం!"

ఇంక లేదు నాకు సహనం
తెలుసుకోపోతే ఎవరో ఆ నేస్తం, తట్టుకోగలదా నా ప్రాణం!
అయినా అసలు ఇదేమి మాయరోగం
నేనే తన లోకమంటూ చేసారుగా ప్రమాణం!

ఇంతేలే అనుకున్నా ఈ జీవితం
బంధాలేవి కావనుకున్నాను శాస్వతం!
ఇప్పటికైనా తెలుసుకున్నా మావారి నిజ స్వరూపం
ఇంతటితో మా మధ్య ఉన్న బంధం సమాప్తం!

అంతులేని వ్యధను అనుభవిస్తున్నఆ తరుణం
శ్రీవారు ఇమైల్ పూర్తిచేసి గీకారు తన సంతకం!
చదవమంటూ నా చేతికి ఇచ్చారు మరుక్షణం
చదువుతూనే పెదవుల మీద మెరిసింది చిరు మందహాసం!

ఆనందంతో నిండి పోయింది నా హృదయం
మా అమ్మాయికి రాసారు ఉదయాన నేను చేసిన నిర్వాకం!
పొరపాట్లన్నవి మానవ సహజం
జాగ్రత్తగా డ్రైవ్ చెయ్యాలన్నది నేను నేర్చుకున్న పాటం!

కొతగా రెక్కలొచ్చేనా? లేదే!!

"వెలుగు నీడలు"  ఆదుర్తి సుబ్బా రావు గారు direct  చేసిన సినిమాలో శ్రీ శ్రీ గారు రాసిన పాట ఇది. ఒక్క సారి జాగ్రత్తగా అన్ని లైన్స్ చదవండి. ఇది 1961 లో రాసారు శ్రీ శ్రీ గారు. అంటే స్వాతంత్రం వచ్చాక 14 సంవత్సరాల తరువాత...

"స్వాతంత్రం వచ్చెనని సభలే చేసి సంబర పడగానే సరిపోదోయి..
సాధించిన దానికి సంతృప్తిని చెంది అదే విజయమనుకుంటే పొరపాటోయి...
ఆకాశం అందుకునే ధరలొక వైపు
అదుపులేని నిరుద్యోగముంకొక వైపు
అవినీతి, బంధుప్రీతి చీకటి బజారు 
అలుముకున్న ఏ దేశం ఎటు దిగజారు?
కాంచవోయి నేటి దుస్థితి, ఎదురించవోయి ఈ పరిస్థితి

పదవి వ్యామొహాలు కులమత భేదాలు, భాషా ద్వేషాలు చెలరేగే నేడు
ప్రతి మనిషి మరి ఒకని దొచుకునే వాడే
తన సౌఖ్యం, తన భాగ్యం చూసుకునే వారె!
స్వార్ధమే అనర్ధ దాయకం
అది చంపుకొనుటే క్షేమదాయకం
సమ సమాజ నిర్మాణమే నీ ధ్యేయం
సకల జనుల సౌభాగ్యమే నీ లక్ష్యం
ఏక దీక్షతో గమ్యం చెరిననాడే లొకానికి మన భారత దేశం అందించునులే శుభ సందేశం"

సింధూరం సినిమా 1997 లో రిలీస్ అయ్యింది. "సింధూరం" క్రిష్ణవంశీ గారు   గారు direct  చేసిన సినిమాలో సిరివెన్నెల గారు రాసిన పాట ఇది.

"అర్ధశతాబ్దపు అఙానాన్ని స్వతంత్రమందామా స్వర్ణోత్సవాలు చేద్దామా
ఆత్మ వినాశపు అరాచకాన్ని స్వరాజ్యమందామా దానికి సలాము చేద్దామా
శాంతి కపోతపు కుత్తుక తెంచి తెచ్చిన బహుమానం ఈ రక్తపు సిందూరం
నీ పాపిటలొ భక్తిగదిద్దిన ప్రజలను చూడమ్మా ఓ పవిత్ర భారతమా !

కులాల కోసం గుంపులు కడుతూ మతాల కోసం మంటలు పెడుతూ
ఎక్కడలేని తెగువను చూపి తగువుకి లేస్తారే జనాలు తలలర్పిస్తారే
సమూహ క్షేమం పట్టని స్వార్థపు ఇరుకుతనంలో ముడుచుకు పోతూ మొత్తం దేశం తగలడుతోందని
నిజం తెలుసుకోరే, తెలిసి భుజం కలిపి రారే

తన తలరాతను తానే రాయగల అవకాశాన్నే వదులుకొని
తనలో భీతిని తన అవినీతిని తన ప్రతినిధులుగ ఎన్నుకుని
ప్రజాస్వామ్యమని తలిచే జాతిని ప్రశ్నించడమే మానుకొని
కళ్ళు వున్న ఈ కబోది జాతిని నడిపిస్తుందట ఆవేశం
ఆ హక్కేదో తనకే ఉందని శాసిస్తుండట అధికారం
కృష్ణుడు లేని కురుక్షేత్రముగ సాగే ఈ ఘోరం చితిమంటల సిందూరం
చూస్తూ ఇంకా నిదురిస్తావా విశాల భారతమా ఓ విషాద భారతమా!"

1961 లో ఆనాడు దేశం లో ఉన్న పరిస్తితులకు, 1997 లో ఉన్న పరిస్తితులకు నాకైతే పెద్ద తేడా కనపడటం లేదు. అంటే అవినీతి, కులమతద్వేషాలు, స్వార్ధ పూరితమైన మనుషులు ఇప్పుడేమి పుట్టుకుని రాలేదు.మనం  అన్ని రంగాల్లోను ఎంతో అభివృద్దిని సాధించినట్టు పైన చెప్పిన వాటిలోను ఎంతో ముందుకు వెళ్ళాము. తప్పట్లు మనందరికి!!!!

అయితే ఇప్పుడొక సందేహం ..మరి ఇంక 30 సంవత్సరాల తరువాత, ఎలా ఉంటుందో మన దేశం ?  శ్రీ శ్రీ , సిరివెన్నెల లాంటి రచయతలు ఎలా రాస్తారో పాటలు. తెలుసుకోవాలని ఉంది!!!!

సుప్రభాతం

ఇకనైనా నీ వ్యసనాన్ని వదులుతావా?
ఎన్ని సార్లు చెప్పినా నీ చెవికెక్కదా?
ఆరోగ్యం దెబ్బ తింటుందని చెప్పినా ఫర్వా లేదా?
నిద్రలేమితో బాధపడుతున్నా దాన్ని మాత్రం వదలవా?
పైగా విడదీయలేని అనుబంధం అంటున్నావా ?
దాన్ని వదలేస్తే నీ జన్మ నిరర్ధకమంటున్నావా?
వ్యసనాలెవరికి లేవని ప్రశ్నిస్తున్నావా?
పదపదహారవ శతాబ్దం నాటిది, నేను కనిపెట్టలేదంటావా?
ఉదయం లేవగానే రోజు దానికోసం నీ వెంపర్లాటా?
రోజంతా దానితో లెక్కలేన్నన్ని సార్లు సావాసమా?
నువ్వు తొందర్లో నేను కావాలో ,అది కావాలో తేల్చుకో!!!

హమ్మయ్య! ఈ రోజుకి ఈ తిట్ల దండకం ముగిసింది..

ఇదండి నేను రోజు వినే సుప్రభాతం!
హాయిగా "కాఫీ" తాగుదాము, వస్తారా?
నాకు అమితానందాన్ని ఇచ్చే పదాలు.."కాఫీ రెడీ"

ఏ రోజైతే తాగానో కాఫీ...ఆ ఆ ఆ....పాట వినండి!
తెలుగులో కాఫీని ఏమంటారు చెప్మా? తెలిస్తే చెప్పండి ప్లీస్!

ప్రశ్నించే హక్కు

ఆంధ్రాలో ఉప ఎన్నికలు
ప్రముఖులు చేస్తున్నారు విష్లేషణలు
గెలుపు ఓటములు కావు  దైవాదీనాలు
నోట్ల కట్లతో సాదించుకునేవేగా ఎన్నికల విజయాలు
కులతత్వపు ఉక్కు సంకెళ్ళలో బందీలేగా ఓటర్లు
మరి ఎందుకో ఇంకా ఎన్నికల నిర్ణయాల కోసం పడిగాపులు

విజయం కోసం నాయకులు వెదజల్లే కోట్లు
ప్రజా సేవ అనే వ్యాపారానికి వాళ్ళు పెడుతున్న పెట్టుబడులు
పదవి దక్కగానే అవుతాయి రెట్టింపు వాళ్ళ ఆస్తులు
ఇదెక్కడి న్యాయం అని జనం వేస్తే ప్రశ్నలు
గెలిపించారుగా ఓట్లు వేసి ఎలక్షన్లు
మీరిచ్చిన వరప్రసాదమే కదా ఈ పదవులు

ప్రశ్నించే హక్కు మీరు కోల్పాయారు అంటే తప్పేంటి నాయకులు?

ఔరా Celebrity Weddings !!!

మళ్ళీ ఇంకో celebrity wedding news! Photos, videos వీటిని చూడడం లో మా స్నేహితులందరు బిసీ!ఎప్పటికప్పుడు కొత్త కొత్త సినిమాలు చూసి latest fashions తెలుసుకుంటున్నా,అప్పుడప్పుడు వచ్చే celebrity marriages మాత్రం special!Latest fashion sarees,jewellery,పెళ్ళి మండపం decorations,అబ్బో కొన్ని రోజుల వరకు..ఇవే కబుర్లు..ఫలాన హీరోగారి అమ్మాయి కట్టుకున్న చీర,వేసుకున్న matching బంగారం set.ఫలానా హీరో తమ్ముడు కట్టుకున్న పంచె ని కూడా వదిలే ప్రసక్తి లేదు.

ఇంతవరకు బాగానే ఉంది. Window shopping లాగా ఊరికే చూసి ఆనందించటం వరకు,కాని దీని affect నెమ్మదిగా అందరి మీద ఎలా పడుతుందో చెపుతాను.Celebrity wedding అయిపోయిన 4 వారాలలోపే ఒక birthdayparty కి వెళ్ళాము అనుకోండి.అప్పుడు చూడాలి చీరల రెపరెపలు..అనుష్క మొన్న చిరంజీవి కొడుకు పెళ్ళిలో కట్టిన చీర లాంటిదే!అమ్మకి చెప్పి వెంటనే కొనమని చెప్పేసాను,matching jewellery set కోసం madras వెళ్ళింది అమ్మ అంటుంది ఒక ఫ్రెండ్. (వాళ్ళ అమ్మను నిజం గా మెచ్చుకోవాల్సిందే!) ఇంకో ఫ్రెండ్ వచ్చేసి,బానే ఉందిలే కాని, నేను కట్టుకున్న చీర మొన్న శ్రీదెవీ కట్టుకున్న చీర లాంటిదే! Online order చేసేసా!ఇలా కొంత మంది తము ధరించిన చీరలు, నగలు చూసుకుని celebrityల కంటే తమేమి తక్కువ కాదు అని సంతృప్తి చెందుతూ ఉంటారు.

ఇంతవరకు కూడా ఒకరకంగా ఫర్వాలేదు అనుకుందాము.ఆ మధ్య జరిగిన ఒక సంఘటన చెపుతాను.13 సంవత్సరాల నుంచి నాకు ఒక ఫ్రెండ్ తెలుసు.కూతురి పెళ్ళి చేదామని సంబంధాలు చూసి (arranged marriages) ఒక అబ్బాయిని select చేసారు.పెళ్ళి బాగా చెయ్యమన్నారు అబ్బాయి తరుపు వాళ్ళు.పెళ్ళికి ఆహ్వానం ఉంది కాబట్టి వెళ్ళాను. ఒక్క నిమిషం నాకు నేను అమెరికా లో ఉన్నానా , ఇండియా లో ఉన్నానా,లేక ఏదన్నా celebrity wedding లో ఉన్నానా అని అనుమానం వచ్చింది. పెళ్ళి మండపం అదేదో వరుడు సినిమాలో ఉన్న మండపం set అట! ఇక భొజనాలు, decorations అన్ని కలిపి 90,000 డాల్లర్లయ్యిందట! పెళ్ళి చీరలు కూడా ఒకసారి పెళ్ళి కూతురు అనుకున్నట్టు కుదరలేదు కాబట్టి, 25,000rs విలువ గల చీరను పక్కకు పెట్టి ఇంకో చీర తెప్పించుకుంది.25,000 rs మళ్ళీ ఖర్చు పెట్టారట! ఎందుకింత ఆర్భారం అని అంటే, ఇంకో ఫ్రెండ్ అంది కదా.. "పెళ్ళి రోజూ చేసుకుంటామా, ఈ నిమిషం మనం తృప్తి గా బతికామా అన్నది important. compromise ఎందుకు అన్నిట్లోను?" నాకైతే సినిమా dialogue లా అనిపించింది,కాని మారుమాట్లాడక నేను కూడా celebrity wedding లాంటి పెళ్ళిని ఎంజొయ్ చేసి వచ్చాను. దురద్రుష్టం కొద్దీ సంవత్సరం లోపు విడాకుల తంతు. ఎవరి దారీ వారి చూసుకున్నారు. నా కళ్ళకు మాత్రం 90,000$  బూడిదలో పోసిన పన్నీరైపోయిందే అని మనసు విల విల లాడి పోయింది. కనీసం గుడిలో పెళ్ళి చేసినా $10,000(ఇదే చాలా ఎక్కువ)లో అయిపోయేది కదా? మిగతా 80,000$ అమ్మాయికే ఉండేవి కదా?

ఒకప్పుడు అలోచనా తీరు ఎలా ఉండేది అంటే, అమెరికా లో ఉద్యోగాలు ఏ నిమిషంలో పోతాయో తెలీదు, అందుకని ముందుగా జీతం లేకపోయినా ఒక సంవత్సరం పాటు హాయిగా జీవించగలిగే (ఆ రోజుల్లో ఇల్లు అద్దె, కారు installment, నెలసరి ఇంటి ఖర్చు) అన్ని డాల్లర్స్ save చేసుకుని కాని, మనం ఊపిరి పీల్చుకోకూడదు అనుకునే వాళ్ళం. ఇప్పుడు ఎంతైన long term savings గురించి అంతలా అలోచించేవారు కనపడడం లేదు. భార్య భర్త ఇలా ఉద్యోగాలలో చేరగానే అలా లంకంత ఇల్లులు కొనెయ్యడం పరిపాటి అయిపోయింది. చాలాసార్లు అనుకుంటూ ఉంటాను, వీళ్ళకి రేపు ఉద్యోగాలు పోతే mortgage ఎలా కడతామనే అలోచనే రాదా అని. అలాంటప్పుడు చాలామంది bankrupcy file చేసి ఇల్లులు వదిలించుకున్నవాళ్ళు కూడా ఉన్నారు. ఏది ఏమైనా ఈ celebrity weddings వచ్చినప్పుడల్లా ఎవరో ఒకరు స్పూర్తి చెంది చేతులు కాల్చుకోవడం చూస్తూనే ఉన్నాను.ఈసారి ఎవరి భారియో!

ఇడ్లీలు, దోశలు ఏవి? కనీసం ఉప్మా, పెసరట్టు?

(A song is auto played on this website. If the  music is bothering you please scroll down and pause the player Thanks!)

This slide show is downloaded from slideshare.net.

నాకైతే ఇండియా బ్రేక్ ఫాస్ట్ కూడా నచ్చలేదు..
ఇంచక్కా మన ఇడ్లీ,దోశ,ఉప్మా,పెసరట్టు ద బెస్టు!
మరి మీరేమంటారు?

I love India

హమ్మయ్య చూస్తుండగానే వీకెండ్ మళ్ళీ వచ్చేసింది అని మనసులో అనుకుంటూ శుక్రువారం వర్క్ కి బయలుదేరింది స్నేహ.బ్లాక్ బెర్రిలో రోజంతా ఎన్ని మీటింగ్స్ ఉన్నాయో అని కాలెండర్ చూసుకుంది స్నేహ. వెళ్ళగానే కండక్ట్ చెయ్యాల్సిన WIP/SCRUM మీటింగ్,తర్వాత చిన్న చితక మీటింగ్స్ తప్ప ఏమీ లేవు అని ఆనందం తో ఉప్పొంగిపోయింది.డ్రైవ్ చేస్తూ ఫోన్ లో మాట్లాడ వద్దు అని రోజు లెక్చర్  ఇస్తున్న శ్రీవారి ఆజ్ఞను లెక్కచేయకుండా స్నేహితురాలు వినీల కు ఫోన్ చేసింది. "ఏంటి సంగతి? evening plans ఏంటి?" అని అడిగింది హుషారుగా."What? అప్పుడే weekend వచ్చేసిందా?"అంటూ ఫోన్ లోనే తన అపనమ్మకాన్ని వెల్లడి చేసింది వినీల.  వినీల గొంతులో కూడా ఉత్సాహం గమనించింది స్నేహ."అవును ఏం చేద్దాం?ఇప్పుడే ప్లాన్ చేద్దామా? లేక సాయంత్రం కలుసుకున్నాక decide చేదామా?" అని. "anything is fine with me. ఇప్పుడైతే ఇంకో 15 నిమిషాలు మాట్లాడగలను" అంది స్నేహ. "సర్లే నేను ఉమకి, ప్రీతి కి కూడా కాల్ ఇచ్చి మళ్ళీ కాల్ చేస్తాను అంది" వినీల. అలా అయితే కాల్ వద్దు,text ఇవ్వు , నేను morning meetings అయ్యాక కాల్ చేస్తాను" అంది స్నేహ . "అలాగే" అని ఫోన్  పేట్టేసింది వినీల.

ఆఫీస్ లో అడుగుపెడుతూనే మీటింగ్ లో"నిన్నేమి చేసారు,ఈ రోజేమి చేస్తున్నారు,ఎమన్నా అడ్డంకులున్నాయా"లాంటి చచ్చు  ప్రశ్నలు టీం కి వేసేసి,వాళ్ళందరి మొఖంలో ఎప్పుడు కనిపించే నిరాసక్తత,నిర్లక్ష్యాన్ని గమనించి కూడా గమనించనట్లు ఒక నవ్వు పులుమేసుకుని మొక్కుబడిగా మీటింగ్ కానిచ్చేసింది స్నేహ.శుక్రువారం వచ్చిందంటేనే మనస్సు పని మీద లగ్నం అవ్వదు.చేసేవన్నీ మొక్కుబడి పనులే ఆ రోజు. ఒక్కోసారి అలోచన్లో పడుతుంది స్నేహ,వారమంతా ఏమి ఊడపొడిచేసామనో ఇలా శుక్రువారం వచ్చేసరికి గాల్లో తేలిపోతున్నట్టు,హాయిగా,హుషారుగా ఉంటుంది ప్రాణం అని.వారమంతా టంచనుగా 8:00 గంటలకే ఆఫీస్ కి రావడం,అనంతమైన ట్రాఫిక్ లో గంటకు పైగా డ్రైవ్,తరువాత రోజంతా ఎడతెరిపి లేకుండా మీటింగ్స్,భరించి ఇంటికి వెళ్ళేసరికి, మళ్ళి "డిన్నర్ కి ఏంటీ ఈ రోజు?" అని అడుగుతారు ఇంట్లో..సరే...ఆ డిన్నర్ సంగతేదో తేల్చాకన్నా కొంచెం రెస్ట్ దొరుకుతుందనుకుంటే,నిద్రాదేవి కరుణించేస్తుంది.పడుకునేటప్పుడు కూడా రేపు గురించేదో చింత.అలా అని ఏదన్నా లోటు లేదా బెంగ ఉందా అంటే,ఏమీ లేదు..ఎందుకు అంత  stress వారమంతా అంటే మరి ...అదంతే!అందుకే శుక్రువారం రావడం తోనే ఎంతో రిలీఫ్ గా ఉంటుంది..రాబోయే రెండు రోజులు, హాయిగా రిలాక్స్ అయ్యి, తన పనులన్ని తన పేస్ లో చేసుకోవచ్చు అని ఆనందం..

గత ఆరు నెలలలుగా క్రమం తప్పకుండా ముగ్గురు స్నేహితులను శుక్రువారం సాయంత్రం కలవడం ఒక అలవాటుగా మారిపోయింది స్నేహకి.ఆఫీస్ నుండి ఇంటికి వచ్చి,వెంటనే ఫ్రెష్ అప్ అయ్యి, స్నేహితురాలను కలవడానికి వెళ్ళిపోతుంది స్నేహ.రాత్రి 11:30/12:00 గంటల వరకు కబుర్లెన్నో చెప్పుకుని, సాధక బాధలు వెళ్ళగక్కుని, ఒకరిని ఒకరు "కష్టాలు కలకాలం ఉండవు"అని ఓదార్చుకుంటూ,ఆడవారి అరోగ్య రహస్యమైన గాసిప్పింగ్ పుష్కలం గా చేసుకుని, ఒక ఎజెండా లేని మీటింగ్ లా గడపడం అలవాటు చేసుకున్నారు ఆ నలుగురు స్నేహితులు.అలాంటి ఒక శుక్రువారం సాయంత్రమే అయినా,ఈ రోజుకి ఒక ప్రత్యేకత ఉంది.అది ఏంటంటే ఈ రోజు వాళ్ళ మీటింగ్ కి ఒక ఎజెండా ఉందండోయి!

సాయంత్రం నాలుగు కొట్టగానే,ఇంటికి బయలుదేరింది స్నేహ.అర గంటలో నలుగురు కలవాలనుకుంటున్న అడ్డా లో కలిసారు.ఎక్కడికన్నా Indian punctual Time ( లేట్ గా వెళ్ళడం) ప్రకారం వెళ్ళడానికి వీరు జంకరు  కాని,ఈ శుక్రువారం మీటింగ్ కి మాత్రం టంచనుగా అనుకున్న టైం కి కలుస్తారు.కొంచెం లేట్ అయినా మిగతా వారు ఏమి చెప్పేసుకున్నారో,నేను మిస్సైపోయానే అని విలవిలలాడిపోతారు.ఎవరికి కావల్సిన డ్రింక్స్ వాళ్ళు తెచ్చుకుని,మాటల్లో పడ్డారు.వినీల ఉమ వంక చూస్తూ అడిగింది "చెప్పు,ఏదో ముఖ్యమైన విషయం చెప్పాలన్నావు?" ఈ వారం కొంచెం మూడ్ బాలేదు. దివ్య కి వాళ్ళ నాన్న కి గొడవ. ఇప్పుడు సర్దుకుంది, కాని దివ్య మాతో చాలా ఫ్రాంక్ గా చర్చించిన కొన్ని విషయాలు ఎందుకో బాగ కలవరపెడుతున్నాయి నన్ను" అని అంది.దివ్య ఉమ కూతురు.కాలేజ్ లో మూడవ సంవత్సరం chemical engineering చదువుతుంది.చాల పద్దతిగా పెరిగిన దివ్య అంటే అందరికి చాలా ఇష్టం. చాలా బాగా పెంచావు ఉమా నీ కూతురిని అని ఎవరన్నా అంటే నా గొప్పతనం ఏమీ లేదు,అది సహజంగానే బుద్దిమంతురాలు అని సమాధానమిస్తుంది ఉమ.నిజమే ఒక్కోసారి దివ్య ని చూస్తే ఉమ అన్నా చెపుతున్న మాటలు నిజమే అనిపిస్తుంది.

"ఉమా వివరంగా చెప్పు? ఏంటి సమస్య?"అని అడిగింది స్నేహ."ఈవారం మొదట్లో దివ్య నాకు ఫోన్ చేసి తనకి 1000$ కావాలని అడిగింది."అన్ని డాల్లర్స్ ఎందుకమ్మా నీకు?"అని అడిగాను."నేను ఇండియా పంపించాలి"అని అంది.అర్ధం కాలేదు నాకు."ఇండియా పంపడమేమిటి ఎవరికి?"విస్తుపోయాను నేను."అమ్మా అన్ని వివరాలు తర్వాత చెపుతాను,నువ్వు నాన్నను కూడా అడిగి నాకు ఎలా పంపుతావో చెప్పు,ఇప్పుడు క్లాస్ ఉంది నాకు అని ఫోన్ పెట్టేసింది దివ్య.సరే అసలు దివ్యకి ఇంత హట్టాతుగా డబ్బు అవసరమేమిటా అని అనుకుంటూ,ప్రదీప్ కి ఫోన్ చెసాను.ప్రదీప్ పూర్తిగా వినకుండానే,కూతురు డబ్బు అడిగిందని తెలియగానే,పంపించేదాము అని చెప్పేసాడు.సాయంత్రం మళ్ళి దివ్య ఫోన్ చేసింది.ఈసారి,ప్రదీప్ కాల్ తీసుకున్నాడు."ఏంటమ్మా? money అడిగావంట కదా, బాంక్ లో ఉన్నాయమ్మ,నువ్వు విత్ డ్రా చేసుకో!"అని చెప్పాడు ప్రదీప్.ఏదో అడగాలి కదా అన్నాట్టు "ఎందుకమ్మా ఇప్పుడు డబ్బు నీకు"అని అడిగాడు."ఇండియా పంపాలి నాన్నా..ఒక ఫ్రెండ్ మనీ రెయిస్ చేస్తొంది,someone is fighting for life."అని చెప్పింది దివ్య.అప్పుడు కాని అర్ధం కాలేదు ప్రదీప్ కూతురు ఆ డబ్బు తన కోసం కాక ఎదో చారిటి కోసం అడిగిందని.వెంటనే అడిగాడు,"అసలు ఎవరా ఫ్రెండ్?నువ్వు డబ్బులు ఎందుకు పంపాలి? అది కూడా ఇండియాకా?నిన్నెవరో బాగానే బుట్టలో వేసారు"అని కూతురితో అన్నాడు ప్రదీప్. "Are you saying I can't trust my friend?" అని ఎదురు ప్రశ్న వేసింది దివ్య. "అది కాదమ్మా,అసలు ఎవరా ఫ్రెండ్?ఇండియా లో నీకు ఫ్రెండ్ ఏంటి? నిన్నెందుకు money పంపమంటుంది?"కొంచెం వివరంగా చెప్పు అడిగాడు ప్రదీప్.

లాస్ట్ ఇయర్ ఇండియా వెళ్ళినప్పుడు చంటక్క పరిచయం చేసింది ముంబై లో.తను కూడా undergrad చేస్తుంది.పేరు మెహక్.అప్పుడు పరిచయం నాకు.We were in touch and she is one of my very good friends. మొన్నీమధ్య వాళ్ళ maid servant's son, met with a terrible accident and he is fighting for his life and money has to be raised for his opeartion as they cannot afford such huge amounts for the surgery.మెహక్ చాలా money రెయిస్ చేసింది.కాని ఇంకా Rs.50,000 తక్కువయ్యాయట.నన్నుఅడగలేదు కాని,చాలా upset గా ఉంది గత కొన్ని రోజులుగా.నేనే చెప్పాను money పంపుతానని" అంది దివ్య.ప్రదీప్ కి చాలా కోపం వచ్చింది."దివ్యా..నిన్ను మోసం చేయ్యడం చాలా తేలిక.అసలు నీ ఫ్రెండ్ చెప్పింది కట్టు కథ కాదు అని నమ్మకమేమిటి? నీకు తెలియదమ్మా.అలా ఎవరిని పడితే వారిని నమ్మి డబ్బు పంపకూడదు. ముందు ఆ మెహక్ చెప్పినవన్ని ఎంత వరకు నిజమో కనుక్కున్నాక  కాని డబు పంపద్దు. నేను కనుక్కుంటాను. నాకు మెహక్ వివరాలు ఇవ్వు."అని నెమ్మదిగా చెప్పాడు ప్రదీప్. 


దివ్య కి వెంటనే కోపం వచ్చి,"నాన్నా..నేను చెపుతున్నాను కదా? నా మీద నమ్మకం లేదా? లేక నేను సరిగ్గా మనుషులను assess చెయ్యలేననుకుంటున్నారా? అయినా నేను అడిగింది 1000$. ఒక వేల నేనే shopping కనో, ఏదన్నా expensive stuff కొనుక్కోవాలనో అడిగితే అప్పుడు నన్ను ఒక్క ప్రశ్న కూడా వెయ్యరు, పైగా ఇంకా కావాలా అని అడుగుతారు.అదే ఏ గుడికో డొనేషన్ ఇమ్మంటే మాత్రం ఒక్కసారి కూడా అలోచించకుండా ఇచేస్తారు.మీరు గత పది సంవత్సరాలుగా మన state లో వెలసిన అన్ని Temples కి ఎంత డొనేషన్ ఇచ్చారో అలోచించండి.TANA కి ఎన్ని సార్లు డొనేట్ చేసారో, ఇండియా లో తిరుపతి హుండిలో వేసిన 10,000 డాలర్లు ఇవన్ని గుర్తే నాకు.అలాంటిది ఈ రోజు ఒక ప్రాణం నిలబెట్టడానికి అడిగితే ఇన్ని ప్రశ్నలు వేస్తున్నారా నన్ను? అదే ఇక్కడ ఎవ్వరికన్నా అలా జరిగితే అవసరం అయితే money డొనట్ చెయ్యరా మీరు? ఇండియా అంటేనే ,do you think we cannot trust anyone there? మీకు మెహక్ గురించి తెలీదు నాన్నా.తను ఈ surgery కి 4.50 lakhs పూల్ చేసింది.Rs.50,000 తక్కువయ్యాయి.అయినా నా internship money ఉంది కదా , అది ఇవ్వండి.మీ డబ్బులు అవ్సరం లేదు" అని తేల్చి చెప్పేసింది దివ్య. "అది కాదమ్మా, నువ్వు ఇంకా చిన్న పిల్లవు, నువ్వు తెలుసుకోవాల్సినవి చాలా ఉన్నాయి.నేను ఇవ్వను అని అనడం లేదు, కాని కొద్దిగా వాకబు చేసి ఇద్దాము అన్నానమ్మా..సరే..నీ ఇష్టం వచ్చినట్టే కానిద్దాము. వీలైనంత తొందరలో డబ్బు పంపిద్దాము" అని చెప్పి ఫోన్ పెట్టేసాడు ప్రదీప్.


ఆ రోజు రాత్రి మళ్ళీ  ఫోన్  చేసి, ఇంకో అరగంట మాట్లాడింది దివ్య వాళ్ళ నాన్న తో. "నాన్న , నువ్వు నాకోసం సరే అన్నావు అని నాకు తెలుసు, నాకు అది ఎంత మాత్రం తృప్తి ఇవ్వడం లేదు.నువ్వు మనస్పూర్తిగా ఇచ్చినప్పుడే నాకు తృప్తి" అని చెప్పింది. "లేదమ్మా,ఈ డబ్బులతో ఒక ప్రాణం నిలబడుతుందంటే నాకు కూడా సంతోషమే కదా"అని తండ్రి అనేవరకు దివ్య శాంతించలేదు."నిజమే ప్రదీప్ లాగే మనం కూడా ఎవ్వరిని అంత తొందరగా నమ్మము. ఇక్కడ చూడు, వీళ్ళు మనిషిని బాగా నమ్ముతారు.వాళ్ళు trust చేసారు కాబట్టే ఇంత మంది ఇండియన్స్ ఈ రోజు అమెరికా వచ్చి, ఏ చెత్త resume లో రాసినా..నమ్మారు, ఉద్యోగాలు ఇచ్చారు.మనిషిని మనిషి నమ్మాలి ఉమా..నీ కూతురు దివ్య అంత తెలివి తక్కువది కాదు. ఏమి చేసినా, అలోచించి సరైన నిర్ణయం తీసుకుంటుంది." అంది ప్రీతి. "ప్రాణానికి ఇక్కడ వాళ్ళు ఇచ్చే విలువ ఇండియా లో అయితే లేదు కదా." అంది వినీల. "నిజమే ఇక్కడ కాబట్టి ఇలా అర్ధ రాత్రి వరకు కబుర్లు చెప్పుకుని , ఏ బెంగ లేకుండా ఇళ్ళకు చేరుకుంటున్నాము" అంది ప్రీతి."సర్లే ఇప్పుడు ఇండియా కూడా చాలా మారింది. round the clock job చేస్తున్నారు కదా.So పరిస్తితులు మెరుగయ్యే ఉంటాయి" అంది స్నేహ.


"ఏమి మెరుగవ్వడమో మనం ఇది పూర్తిగా మన దేశం అనుకోము లేము, ఇండియా మీద మమకారం తెంచుకోలేము. రెంటికి చెడ్డ రేవడి లా అయ్యాము కదా?" అంది వినీల."మన పిల్లలే నయ్యం, ఇండియా మాదే, అమెరికా మాదే అంటున్నారు.మొన్నీ మధ్య అమ్మ చెపుతుంది మా అక్క , బావ, వాళ్ళ అబ్బాయి ఇండియా వెళ్ళినప్పుడు కర్రెంట్ ఒక రోజల్లా పోతే మా బావగారు తట్టుకోలేక ఆపసోపాలు పడిపోతుంటే వాళ్ళ అబ్బాయి అన్నాడంట.."నాన్న ఇక్కడే పుట్టి పెరిగావు కదా? ఇండియా అంటే ఇలాగే ఉంటుంది అని నీకు తెలిసి కూడా ఆ మాత్రం భరించలేక అంతలా ఇండియా లో weather ని తిట్టుకుంటున్నావు? నువ్వు తిట్టుకోవాలంటే ఇక్కడ traffic గురించి తిట్టుకో, corruption etc problems గురించి తిట్టుకో, అంతే కాని ఏంటి weather గురించి ఇండియా అంటేనే దరిద్రం అంటావు అని..అంత వేడిలో కూడా ఇబ్బంది పడ్డా ఒక్క మాట అనలేదు ఇండియా ఎందుకు వచ్చానని అక్క వాళ్ళ అబ్బాయి"అని ముగించింది ఉమ.మాటల్లో చాలా టైం అయ్యింది అని తెలుసుకుని, ఆ రోజుకి bye చెప్పేసి ఎవరి దారిన వాళ్ళు వెళ్ళిపోయారు. స్నేహ డ్రైవ్  చేస్తూ అలోచిస్తుంది దివ్య గురించి. ఎంత మంచి మనసు దివ్యది అని. ఇండియా గురించి ఎక్కువ మాట్లాడుకోవడం తో మనసంతా ఇండియా గురించి అలోచనలతో నిండిపోయింది.ఇక్కడ ఇంత  మదనపడుతూ  ఒకో సారి ఎరక్క పోయి వచ్చాను, ఇర్రుక్కుపోయాను type లో బాధ అనుభవిస్తుంటే, బ్లాగ్ లో  "మేధ ను తారిస్తే ఐటీ బిజ్, బాడీ ని తారిస్తే (తార) ప్చ్, వ్యభిచార్"అన్న కవిత  చదవటం  ఎప్పుడో జ్ఞాపకం వచ్చి,మనసంతా బాధతో నిండిపోయింది. 

యోగ ముద్రలు

This slide show is downloaded from slideshare.net.

మీకు తెలుసా ఈ సత్యం?

Slides source: Slideshare.net / Authorstream.com