జిందగీ నా మిలేగి దుబారా

ఉదయమే ఒక ఫోన్ కాల్!

"జిందగీ నా మిలేగి దుబారా" అని నువ్వు నమ్ముతావా?

"అదేమి ప్రశ్న? సంగతేంటో చెప్పు", విసుక్కున్నా నేను.

"నమ్ముతావా లేదా? అ ప్రశ్నకి జవాబు చెప్పు...."

"ఉదయమే ఆ చెత్త ప్రశ్నలేంటి.."అన్నా విసుగ్గా...

పోనీ కనీసం దీనికి జవాబు చెప్పు..."జిందగీ నా మిలేగి దుబారా సినిమా చూసాము కదా? ఆ సినిమా నీకు నచ్చిందా లేదా? "

"ఈ మధ్య చూసిన ఏ సినిమా కథ గుర్తుకు ఉండటం లేదు,కాని ఒక్కటి మాత్రం చెప్పగలను,ఆ సినిమా మాత్రం గుర్తుండిపోయింది...చక్కగా మూడు గంటలలో ప్రపంచమంతా చూపెట్టారు కదా.."అన్నా గుర్తు తెచ్చుకుంటూ...

"అవును , ఇంకేమి నచ్చాయి ఆ సినిమాలో ..."అవతల వైపు నుండి ఆసక్తి గా ఇంకో ప్రశ్న.

"అదేదో టొమేటో ఫెస్టివల్ అని టొమేటోలు  ఒకరిపై ఒకరు విసురుకునే సరదా సంబరం,బుల్ రున్ ఇంకా.."అంటూ మాట్లాడుతున్న నన్ను ఆపి

"ఆగక్కడ...మరి ఒకవేళ మనం కూడా అలా ఒక బుల్ రున్ కి, టోమేటో ఫెస్టివల్ కి వెళితేనో? " అంటూ ఒక ప్రశ్నార్ధకం

"సర్లే....నాకిప్పుడు Spain వెళ్ళే ఓపిక లేదు...తీరిక లేదు.."అంటూ కొట్టిపారేస్తుండగా...

"మరి అదే, వినాలి కదా నేను చెప్పేది పూర్తిగా...."

"ఊ ఊ, చెప్పు ...."

"ఈ ఆగస్ట్ లో మనకి దగ్గరలోనే మనం కూడా ఈ ఫెస్టివల్ సెలెబ్రేట్ చేసుకుంటున్నాము.ఇంచక్కా బుల్స్ తో  పరిగెట్టచ్చు...టొమేటోలతో కొట్టుకోవచ్చు...నువ్వు చెయ్యవలసినదల్లా,టికట్స్ కొనడమే ఆ ఈవెంట్ కి...."అంటూ వచ్చింది సమాధానం...

ఆశ్చర్యపోవడం నా వంతు అయ్యింది...పొద్దున్నే భలే వార్త వచ్చిందే అనుకుంటూ

ఇమైల్ చూసుకున్నా....ఈ రెండు లింక్స్ ఉన్నాయి...

http://www.richmond.com/events/article_5edeec7c-b1af-11e2-a9ac-0019bb30f31a.html

http://www.thegreatbullrun.com/

వేంటనే తిరిగి రిప్లై కొట్టా ఆ ఇమైల్ కి ...."Hritik Roshan వస్తున్నాడా లేదా? "అంటూ..

ఇంకా ఈ ప్రొగ్రాం కి వెళదామన్న వారందిరికి ఇంకో కండిషన్ పెట్టేసాను పనిలో పనిగా...,ఆగస్ట్ వరకు అంటే ఇంకా మూడు నెలలు ఉన్నాయి కదా....ఒక రెండు 5k రన్స్, ఒక 10k  రన్ రిజిస్టర్ చెయ్యండి, అప్పుడు ఆ బుల్ రన్ ఈవెంట్ లో మనం బాగా పరిగెట్టగలమేమో అని.." 

ఆ హక్కు మీకు లేదు!-ముగింపు

సందీప్ చెప్పినదంతా విన్న సుభద్ర నిశ్చేష్టురాలయ్యింది.కొద్ది సేపు వరకు ఎలా స్పందించాలో తెలియక,మౌనంగా సందీప్ ని చూస్తు ఉండిపోయింది.సందీప్ అక్కడనుంచి లేచి వెళ్ళిపోయాడు.సుభద్ర వెంకట్ ని అడిగింది,"గీతతో మాట్లాడాలి"అని."నేను కూడా తనతో మాట్లాడలేదు ఇంతవరకు,వెళదాము పద"అని సమాధానమిచ్చాడు వెంకట్.ఇద్దరు కలిసి లివింగ్ రూం లో కి వెళ్ళి సురేష్ తో అన్నారు"మేము గీతను కలవాలి.మీ ఇంటికి వెళదామా"అని.సురేష్ అలాగేనని"పదండి"అన్నాడు.గీత నాన్నగారు కూడా వారితోటి కారులో కూర్చున్నారు.రాహుల్ తో చెప్పింది సుభద్ర" Please take care of Sandeep"అని.

సురేష్ ఇంటిలో గీత పరిస్థితి కూడా ఏమీ బాలేదు.రాత్రంతా నిద్ర లేమితో,బాగా ఏడ్చినట్టుగా  ఉంది మొఖం.గీతని చూస్తూనే అంది సుభద్ర "గీతా, ఏంటిదంతా?అసలు నువ్వేం చేసావో ఆవేశంలో తెలుసా?"అంటూ ప్రశ్నించింది.అక్కడే ఉన్న గీత అమ్మగారు,"మీ తమ్ముడు చేసిన నిర్వాకం మీకు తెలీదా?అమ్మాయిని ప్రశ్నించటానికి వచ్చారా?"అంటూ ఎదురు ప్రశ్న వేసారు"తమ్ముడితో మాట్లాడే వచ్చాను.జరిగినదంతా తెలుసుకున్నాను.ఎందుకు జరిగింది,ఎలా జరిగింది,ఎవరిది తప్పు అన్న విషయాలు చర్చించుకోవడం కన్నా,ఇప్పుడు మనం పెద్దవారిగా చెయ్యవలసినదేంటి వీరిద్దరిని కలపటానికి అన్న విషయం గురించి అలోచించాలండి."అని నెమ్మదిగా జవాబు ఇచ్చింది సుభద్ర.గీత నాన్నగారు కూడా వెంటనే"అమ్మాయి మీద చెయ్యి చేసుకోకుండా ఉండాల్సింది.ఇంత దూరం రాకుండా ఉండేది కదా"అని అన్నారు.వెంకట్ దురుసుగా"అంటే,చెయ్యి చేసుకున్నాడని కాప్స్ కి ఫోన్ చెయ్యమని చెప్పారా మీరు గీతకి"అంటూ గట్టిగానే అడిగాడు.మేమెందుకు చెపుతాము,ఆ పరిస్థితుల్లో మళ్ళీ కొడతాడేమో అని భయ్యంతో అమ్మాయి ఫోన్ చేసింది.తప్పేముంది అన్నట్లు పొగరుగా మాట్లాడాడు ఆయన.
 

సుభద్ర కళ్ళతోనే వెంకట్ ని వారించింది."గీతా,చెప్పమ్మా..నువ్వు చిన్న పిల్లవేమి కాదు.జరిగేది,జరుగుతున్నది నీకు అర్ధం కాకపోవడానికి.సందీప్ దుర్మార్గుడు,అతనితో బ్రతకడమంటే నా ప్రాణానికి హాని అని నువ్వు అనుకున్నట్లైతే చెప్పు.తమ్ముడిగా నా దృష్టిలో అతను మంచివాడే కావొచ్చు,భర్తగా మంచివాడవ్వాలని లేదుగా"అంటూ సూటిగా గీతని చూస్తూ అడిగింది. గీత దగ్గర నుంచి సమాధానం రాలేదు.చాలా సేపు గీతతో మాట్లాడుతూనే ఉంది సుభద్ర.అవేశంలో,తొందరపడి ఇద్దరు చేసినవి తప్పులే!భార్యాభర్తలిద్దరే ఉన్నప్పుడు వారు ఎలాంటి సమస్య వచ్చినా ఇంకోరకంగా పరిష్కరించుకునేవారేమో కాని,గీత తల్లితండ్రులు అక్కడ ఉండటం వలన ఇద్దరు ఎవరికి వారు తగ్గడానికి అహాలు అడ్డు వచ్చి,ఇంత దూరం తెచ్చుకున్నారు.ఎంత సేపు మాట్లాడినా రాయిలా కూర్చుందే తప్ప,గీత ఒక్క మాట కూడా సుభద్రతో మాట్లాడలేదు.ఇక తను చెయ్యగలిగినది ఏమీ లేదు అనుకుంటూ,అవేశాలు తగ్గాక,వివేకం హెచ్చరిస్తే,అప్పుడు కాని వారి బుర్రలు సరిగ్గా పని చెయ్యవని అనుకుని,వెళతానని చెప్పి బయలుదేరింది సుభద్ర.సందీప్ ఇంటికి వచ్చి,సందీప్ బట్టలు సర్దమని రాహుల్ కి చెప్పి,సందీప్ ని తనతో పాటు ఇంటికి రమ్మని అడిగింది.  "లేదక్కా, నేను రాను.I need some time for myself"అని సందీప్ సుభద్రతో చెప్పాడు.రాహుల్ ని తోడు గా ఉండమని చెప్పి అక్కడనుంచి ఇంటిముఖం పట్టింది సుభద్ర.

జరిగినదంతా ఒక కల అయితే ఎంత బాగున్నో! అని లెక్కలేనన్ని సార్లు అనుకుంది సుభద్ర.వెంకట్ మాత్రం గీతదే తప్పని,కాప్స్ కి ఫోన్ చేసే ముందు ఒక్క క్షణం అలోచించి ఉంటే సమస్య ఇంత జటిలంగా మారేది కాదు కదా అని బాధపడ్డాడు.సుభద్ర మాత్రం తప్పు ఎవరిది అన్న విశ్లేషణ అనవసరమని,ఎలాగైనా వారిద్దరు జరిగినదంతా మరచిపోయి,మళ్ళీ కలిసిపోవాలని దేవున్ని మనసులో కోరుకుంది.గీత కొద్ది రోజులు ఉద్యోగానికి సెలవు పెట్టి సురేష్ ఇంట్లోనే తల్లితండ్రులతో కలిసి ఉండిపోయింది.సందీప్ ని చాలా సార్లు ఇంటికి రమ్మని అడిగి విసిగిపోయిన సుభద్ర తనే రోజు విడిచి రోజు అతనిని కలిసి వచ్చేది.గీతతో అప్పుడప్పుడు ఫోన్ లో మాట్లాడుతూ ఉండేది.సందీప్ సహజంగానే మితభాషి.ఈ సంఘటనతో అతను మనుషులతో మాట్లాడం పూర్తిగా తగ్గించేసాడు.అతని మనుసులో ఏముందో తెలుసుకోవడం ఆ బ్రహ్మ రుద్రాదులకు అయినా సాధ్యం అయ్యే పనేనా అనుకుంటూ ఉండేది సుభద్ర. 

ఎలాగైనా సందీప్ ని,గీతని ఒక చోట చేర్చి వారిని ఒకరితో ఒకరు మాట్లాడుకునేలా చెయ్యాలని ఎన్నోసార్లు అనుకుంది సుభద్ర.గీత మాట ఎత్తితేనే,పూర్తిగా మౌనం వహించేవాడు సందీప్.సందీప్..బుజ్జిగాడిని చూడాలని అనిపించటం లేదా అని సందీప్ ని నిలదీసి అడిగితే మాత్రం చాలా బాధపడేవాడు.బుజ్జిగాడి కోసం అయినా వీళ్ళిద్దరు కలిసిపోతారేమో అన్న ఆశ కలిగేది సుభద్రకి.సందీప్ తల్లితండ్రులు,పెద్దవాళ్ళు అందరు గీతతో,గీత తల్లితండ్రులతో మాట్లాడారు.సందీప్ వచ్చి తనతో మాట్లాడితే తిరిగి సందీప్ తో కలిసి జీవితం గడపడానికి తనకేమి అభ్యంతరం లేదని గీత చెప్పింది.అది వినగానే అందరు చాలా ఆనందపడి సందీప్ ని ఒక్కసారి దీపని కలవమని ఎంతో నచ్చచెప్పారు.ససేమిరా అన్నాడు సందీప్.ఆ విషయం తెలిసిన దీప తనకేమి సందీప్ కాళ్ళు పట్టుకోవాల్సిన అవసరం లేదంటూ,బుజ్జిగాడిని తల్లితండ్రులతో ఇండియా పంపించి తను ఉద్యోగం చేసే స్టేట్ లోనే ఇల్లు రెంట్ చేసుకుని తన కొత్త జీవితాన్ని ప్రారంభించింది.ఒక సంవత్సర కాలంలో సందీప్ రెసిడెన్సి పూర్తిచేసుకుని,వేరే స్టేట్ లో తన మిత్రులతో కలిసి ప్రైవేట్ ప్రాక్టీస్ పెట్టి,కొద్ది కాలంలోనే బిసి అయిపోయాడు.వెకషన్ కి ఇండియా వెళ్ళిన సుభద్ర బుజ్జిగాడిని చూడడానికి వెళ్ళింది.ఎంతో ముద్దుగా ఉన్నాడు బుజ్జిగాడు.వాడు చేసే అల్లరి ఎలా  ఉంటుందో చెప్పి మురిసిపోయారు గీత తల్లితండ్రులు.సుభద్రకి మనసులో ఎంతో దిగులుగా అనిపించింది.బుజ్జిగాడికి తల్లితండ్రులిద్దరి ప్రేమను పొందే అదృష్టం లేదే అని.ఇండియా నుంచి తిరిగి వచ్చాక సందీప్ ని కలిసింది సుభద్ర.తన కొడుకు ఎంత చక్కగా ఉన్నాడో,తను లైఫ్ లో ఏమీ మిస్స్ అవుతున్నాడో తెలుసుకోమని మళ్ళీ చెప్పింది సుభద్ర.సందీప్ వైఖరిలో ఏమీ మార్పు లేదు.

అప్పటివరకు ఎవ్వరిని జరిగిన దానికి దూషించని సుభద్ర మాత్రం ఆ రోజు తమ్ముడిని పట్టుకుని కడిగేసింది.పెద్ద పెద్ద చదువులు,ఉన్నతమైన పదవులు,ఆత్మాభిమానాలు అనుకుంటూ అన్ని భూతద్దంలో చూసుకుంటున్నారే కాని,మీకు ఒక కొడుకు ఉన్నాడని కాని,వాడు తల్లి, తండ్రి ఇద్దరి ప్రేమకు దూరమౌతున్నాడని అలోచించారా?పిల్లలు ఉన్నారని జీవితమంతా రాజిపడి బ్రతకడం మా వల్ల కాదు అని మోడర్న్ గా అలోచిస్తూ,పాత కాలం చింతపండులా కాదు అని విర్రవీగుతున్నారే కాని,కలిసి బ్రతకలేనప్పుడు, అంత తొందరపడి పిల్లలను ఎందుకు కనాలి అని మాత్రం అలోచించరే?నాకు తెలిసిన సూత్రం ఒక్కటే సందీప్.నీకు, గీతకి బుజ్జిగాడు ఉండకపోతే,మీ ఇద్దరి జీవితాలు మీ ఇష్టం.చెయ్యి చేసుకుంటే పడి ఉండే భార్య లేదని నువ్వు,అవేశం లో చెయ్యి చేసుకున్నాడని మతి లేకుండా కాప్స్ వరకు వెళ్ళిన నీ భార్య ఇద్దరు ఇద్దరే!పూర్తి స్వార్ధపరులు.ఆ రోజు ఇద్దరు అలసి సొలసి ఇంటికి చేరి ఉండకపోతే,మీ అత్తగారు,మావగారు ఇంట్లో ఉండకపోతే ఆ సంఘటన జరిగేదే కాదు.మూడు సంవత్సరాలు ఎన్నో కష్టాలు పడుతూ కూడా,ఒకరి మీద ఒకరు ప్రేమతో ఉన్నవారు,ఆ ఒక్క రోజు సంఘటనతో విడిపోయారు.పిల్లలని కనేముందు ఒక్కసారి అలోచించండి మీ యువతరం.ఒకరికొకరు జీవితాంతం తోడు ఉండగలమనే ఆ నమ్మకం కలగనప్పుడు దయచేసి పిల్లలను కనకండి.ఒకసారి పిల్లలను కన్నాక,పంతాలకు పోకండి.ఒకరిని ఒకరు అర్ధం చేసుకుని పిల్లలకు మంచి జీవితాన్ని ఇవ్వడానికి ప్రయత్నించండి.అన్ని విషయలలో ఒకటి పది సార్లు అలోచిస్తారు కదా మీ తరం,దయచేసి పిల్లలను కనడం ఒక experience గా పరిగణించకుండా అది ఒక బాధ్యత అని వారి బంగారు జీవితం మీ చేతిలో ఉంది అన్న విషయాన్ని గ్రహించండి.అలా అని మనుషులు ఎప్పుడు ఒకేలా ఉంటారు అని నేను అనడం లేదు.ఒకవేళ నిజంగానే మొదట్లో బయటకి రాని విశ్వరూపాలు పిల్లలు పుట్టాక కొన్ని సంవత్సరాల తరువాత బయటపడితే,అప్పుడు కలిసి ఉండాలి అని నేను అనను.కాని మీ స్వార్ధానికి, మీ అర్ధంలేని అహాలకి పిల్లల జీవితాలను బలి ఇవ్వకండి.కలిసి బ్రతకలేనప్పుడు మీకు పిల్లలను కనే హక్కు లేదు."అని తమ్ముడి తో తెగేసి చెప్పింది సుభద్ర.  

ఆ హక్కు మీకు లేదు!

అర్ధరాత్రి ఒంటిగంట దాటింది.గాడనిద్రలో ఉన్నారు వెంకట్,సుభద్ర.సెల్ ఫోన్ మోగడంతో ఉల్లిక్కిపడి లేచాడు వెంకట్.ఎందుకో వేళ కాని వేళ ఫోన్ వస్తే,అతనికి చాలా కంగారుగా ఉంటుంది.ఇండియాలో అందరు క్షేమంగా ఉన్నారో,లేదో అని  గాబరా పడుతు ఉంటాడు.సెల్ నంబర్ చూస్తే లోకల్ నంబరే!ఎవరో ఇంత రాత్రి వేళ ఫోన్ చేసింది అనుకుంటూ,"హెల్లో.."అన్నాడు.ఇంతలో సుభద్ర లేచి,"ఎవరు వెంకట్?ఇంత రాత్రి వేళ?"అని అడిగింది.మాట్లాడదన్నట్ట్లు సైగ చేస్తూ,వెంటనే తను బయలుదేరి వస్తున్నానని,ఫోన్ చేసిన వారితో చెప్పి ఫోన్ పెట్టేసాడు వెంకట్.విషయం అర్ధం కాక సుభద్ర ఆందోళనగా చూసింది భర్త వంక."ఎక్కడికి ఇంత రాత్రి వేళ? Is everything alright?"అని అడిగింది."నేను అర్జెంట్ గా వెళ్ళాలి.ఫోన్ చేస్తాను నీకు ఒక అరగంటలో,భయపడకు,కంగారు పడాల్సినది ఏమీ లేదులే"అని చెప్పి హడావిడిగా వెళ్ళిపోయాడు వెంకట్.విషయం ఏమై ఉంటుందా అని అలోచిస్తూ,పడుకున్న సుభద్రకి కొంచెంసేపటికే నిద్ర పట్టేసింది.ఉదయం నిద్ర లేచేటప్పటికి సమయం ఏడు దాటింది.ఆ రోజు శనివారం అన్న విషయం గుర్తు వచ్చి,మళ్ళీ బద్దకంతో కళ్ళు మూసుకుంది.

అంతలో రాత్రి ఫోన్ రావడం,వెంకట్ హడావిడిగా బయటికి వెళ్ళడం అన్ని గుర్తొచ్చాయి.అప్పుడు మొదలయ్యింది సుభద్రలో కంగారు.తనకి భర్త ఫోన్ చెయ్యలేదన్న విషయం గ్రహించి,వెంకట్ కి  కాల్ చేసింది సుభద్ర.వెంకట్ ఫోన్ ఎత్తగానే,కొంచెం కోపంగా"ఏమయిపోయావు,రాత్రి హట్టాత్తుగా వెళ్ళిపోయావు,ఫోన్ కూడా చెయ్యలేదు.ఎక్కడ ఉన్నావు ఇప్పుడు?"అని అడిగింది.వెంకట్ నెమ్మదిగా చెప్పాడు,నువ్వు కాలకృత్యాలు తీర్చుకుని సందీప్ ఇంటికి రా,తరువాత మాట్లాడుకుందాము"అన్నాడు వెంకట్.ఆశ్చర్యపోయింది సుభద్ర."అదేంటి, సందీప్ ఇంటికా ఎందుకు? బుజ్జిగాడు బాగున్నాడా?ఏమయ్యింది వెంకట్?"అని కంగారుగా అడిగింది సుభద్ర.నువ్వు వీలైనంత తొందరలో వచ్చెయ్యి,ఫోన్ లో నేను ఏమి చెప్పలేను"అని ఫోన్ పెట్టేసాడు వెంకట్.

ఒక్కసారిగా దిగాలు పడిపోయింది సుభద్ర.సందీప్ సుభద్ర పిన్ని కొడుకు.వయస్సులో చాలా తేడా ఉన్నపటికి,వారిద్దరి మధ్య చనువెక్కువ.తమ్ముడంటే ప్రాణం సుభద్రకి.వెంకట్ కూడా సందీప్ అంటే చాలా అభిమానంగా ఉంటాడు.సందీప్ కి పెళ్ళి అయ్యి మూడు సంవత్సరాలయ్యింది.ఇండియాలో మెడిసిన్ చేసి ఇక్కడ రెసిడెన్సి ఆఖరి సంవత్సరం చేస్తున్నాడు.అతని భార్య గీత పక్కనే ఉన్న ఇంకో స్టేట్ లో ఉద్యోగం చేస్తుంది.మూడు నెలెల బుజ్జిగాడు వారి తొలి సంతానం.ప్రతి వీకెండ్ తప్పనిసరిగా ఒక్కసారైనా వెళ్ళి వాడిని ముద్దాడడం సుభద్రకి,వెంకట్ కి మామూలే!బుజ్జిగాడికేమన్నా ఒంట్లో బాగోలేదా?నేను కంగారు పడతానని నాకు చెప్పలేదా?ఇండియా నుంచి వచ్చిన గీత తల్లితండ్రులకు ఆరోగ్యం బానే ఉంది కదా..అని ఇలా రక రకాల అలోచనలతో హడావిడిగా స్నానం చేసి,సందీప్ ఇంటికి బయలుదేరింది సుభద్ర.

సందీప్ ఇంటి దగ్గర నాలుగు కార్లు వరకు కనిపించడంతో కంగారు ఇంకా ఎక్కువయ్యింది సుభద్రకి.సందీప్ ఇంట్లోకి అడుగుపెడుతూనే లివింగ్ రూంలో కూర్చుని ఉన్న గీత నాన్నగారిని,వెంకట్ ని,గీత పెదన్నాన్న కొడుకు సురేష్ ని,సందీప్ ప్రాణస్నేహితుడైన రాహుల్ ని చూసింది సుభద్ర.అంతమందిని అక్కడ చూసిన సుభద్రకి ఎందుకో బుజ్జిగాడికి ఏమన్నా అయ్యిందేమో అన్న అందోళన కలిగింది.అక్కడ వారందరి మధ్య సందీప్ లేకపోవడం గమనించి,భర్త వంక బేల గా చూసింది సుభద్ర.లోపలికి పదమంటూ సైగ చేసి,వెనకనే తను వచ్చాడు వెంకట్."సందీప్ ఏడి?బుజ్జిగాడు బాగున్నాడా?గీత ఎక్కడ?"అని ప్రశ్నల వర్షం కురిపించింది సుభద్ర.పై ఫ్లోర్ లో ఉన్న బెడ్రూం లొకి తీసుకెళ్ళాడు సుభద్రని వెంకట్.అక్కడ సందీప్ ఒక్కడే బెడ్ మీద పడుకుని ఉన్నాడు.అలికిడి వినిపించి కళ్ళు తెరిచి చూసాడు.సందీప్ కళ్ళు ఎర్రగా చూడడానికే భయపడేట్టు  ఉన్నాయి.సుభద్రని చూడగానే,కళ్ళలో నీళ్ళు తిరిగి,అవి కనపడతాయేమో అన్నట్టు,కళ్ళు వెంటనే మూసుకుని బెడ్ మీద ఇంకో పక్కకి తిరిగి పడుకున్నాడు.

వెంకట్ అక్కడ ఉన్న కుర్చిలో కూర్చుని నెమ్మదిగా సుభద్రతో అన్నాడు,"రాత్రి సందీప్ ని కాప్స్ అర్రెస్ట్ చేసారు.మూడు గంటల క్రితమే ఇంటికి తీసుకొచ్చాము"అని."ఎందుకు?సందీప్ ఏమయ్యిందిరా? ఇటు చూడు"అంటూ తమ్ముడి భుజం పట్టుకుని కుదిపేసింది సుభద్ర.సందీప్ నుండి సమాధానం ఏమీ రాలేదు.వెంకట చెప్పసాగాడు."రాత్రి గీత మీద చెయ్యి చేసుకున్నాడు.గీత కాప్స్ కి ఫోన్ చేసింది. వాళ్ళు వచ్చితీసుకెళ్ళారు" అని.హతాశురాలయ్యింది సుభద్ర.అసలు చెయ్యి చేసుకోవాల్సిన అవసరం ఏమోచ్చింది వీడికి?గీత కాప్స్ ని ఎందుకు కాల్ చేసింది?ఏది గీత?గీతా,గీత అని గట్టిగా పిలవసాగింది సుభద్ర."గీత ఇక్కడ లేదు,వాళ్ళ అమ్మ,బుజ్జిగాడు అందరు సురేష్ ఇంట్లో ఉన్నారు."అని సమాధానమిచ్చాడు వెంకట్.అప్పటికే సుభద్రకి జరగరానిదేదో వారిద్దరి మధ్య జరిగిందని,దాని పర్యవసానం కూడా చాలా త్రీవ్రంగా ఉంటుందని అర్ధం అయిపోయింది."ఏమి జరిగిందో గీత వాళ్ళ నాన్నగారు చెప్పటమే కాని వీడు మాత్రం ఎంత అడిగినా నోరు మెదపటం లేదు.నువ్వు మాట్లాడు"అని ఆ రూం లోంచి బయటికి వెళ్ళిపోయాడు వెంకట్.


సుభద్రకి అప్పటికే కాళ్ళు,చేతులు వణకసాగాయి.నెమ్మదిగా తమ్ముడి పక్కన  కూర్చుకుని అడిగింది. అసలు ఏం జరిగిందిరా సందీప్,చెప్పు.మీ ఇద్దరి మధ్య గొడవలేంటి?నాకసలు ఏమీ అర్ధం కావట్లేదు."సందీప్ ఏమీ మాట్లాడలేదు. "సందీప్ అలా కాదు, నా మాట విను. జరిగిన విషయం మాకు ఎలా తెలిసేది, నువ్వు ఇలా మౌనంగా ఉంటూ,నీలో నువ్వు బాధపడితే?దయచేసి చెప్పరా" అని బతిమాలింది సుభద్ర.వెంకట్ కాఫీ కప్పు తో రూం లో కి వచ్చి, సుభద్ర చేతికి ఇచ్చాడు, సందీప్ కి ఇవ్వమని సైగ చేస్తూ.అప్పటికి చలనం లేకుండా ఉన్న సందీప్ ని చూస్తే,సుభద్రకి ఒక్కసారిగా కోపం వచ్చి, కొద్దిగా గట్టిగానే, ఇదిగొ నువ్వు ముందు ఆ మంచం మీద నుంచి లెగు, వాష్ రూం లోకి వెళ్ళి మొఖం కడుక్కుని రా.." అని తమ్ముడి మీద మండిపడింది.అయిష్టం గా లేచి, వాష్ రూం కి వెళ్ళి, కొద్దిసెపట్లో బయటికి వచ్చాడు సందీప్. కాఫీ కప్పు చేతిలో పెట్టి ముందు కాఫీ తాగు అంది సుభద్ర.తమ్ముడి మొఖంలోకి చూస్తూ, కంట తడి పెట్టుకుంది సుభద్ర. "ఏమిట్రా ఇదంతా? ఎలా అయిపోయావో తెలుసా? ఎలా జరిగింది ఇదంతా?" అని మళ్ళీ ప్రశ్నించింది. జరిగింది చెప్పసాగాడు సందీప్. 

గీత డెలివరీ కి గీత తల్లితండ్రులు ఇద్దరు,నాలుగు నెలల క్రితమే అమెరికా కి వచ్చారు.గీతకి బాబు పుట్టాక,రెండు నెలల తరువాత,తను ఉద్యోగంలో చేరాల్సిన రోజు రావడంతో అయిష్టంగానే కొడుకుని వదలలేకపోయినా,తప్పని సరి పరిస్థితులలో ఉద్యోగం లో జాయిన్ అయ్యింది.ఇంకో స్టేట్ లో ఉద్యోగం కాబట్టి, వీకెండ్ మాత్రమే ఇంటికి వచ్చేది. భర్త సందీప్ ని,తల్లితండ్రులను,బుజ్జిగాడిని అందరిని వదిలి ప్రతి సోమవారం జాబ్ కి వెళ్ళడానికి మనస్సు అంగీకరించకపోయినా,తప్పదు ఇంకో ఉద్యోగం దొరికేదాకా అనుకుంటూ వెళ్ళేది.సందీప్ రోజులో ఒక్కోసారి 15 గంటల వరకు పని చేసి ఇంటికి అలసి వచ్చేవాడు.కొడుకుతో సమయం గడపలేకపోతున్నానే అని బాధపడుతూనే,ఇంకెంతలే,కొద్దిరోజులే కదా,తను ప్రాక్టిస్ పెట్టుకునే వరకే కదా,అని సర్దిచెప్పుకునే వాడు.గీత తల్లితండ్రులు బుజ్జిగాడిని చాలా ఓపికగా పెంచేవారు.ఒకసారి హాస్పిటల్ నుంచి తిరిగి వచ్చేసరికి అత్తగారు,పంపులో వచ్చే నీరు బాటిల్ లో పోసి, పట్టించటం చూసిన సందీప్,అత్తగారితో అలా చెయ్యొద్దని, ఫిల్టర్ చేసిన నీళ్ళు కాని, కాచిన నీళ్ళు కాని ఇవ్వమని చెప్పాడు.సరే అంది గీత తల్లి.ఇంకో రెండు సార్లు కూడా అలా జరగడంతో, సందీప్ గట్టిగానే చెప్పాడు అత్తగారితో, దయచేసి ఆ నీళ్ళు పట్టకండి.వాడికేమన్నా చేస్తే,తరువాత హాస్పిటల్ చుట్టూ తిరగాలంటే మాటలు కాదు అని.ఆవిడ అలాగేనని చెప్పింది.

ఆ తరువాత వీకెండ్, గీత అలసిపోయి శుక్రువారం రాత్రి 11:30 గంటలకు ఇంటికి చేరుకుంది.ఆ వారం బుజ్జిగాడికి ఒంట్లో కొద్దిగా నలతగా ఉండటంతో గీత అమ్మగారు,నాన్నగారు కూడా బాగా అలసిపోయి ఉన్నారు.ఆ రోజు కూడా తల్లి వచ్చేవరకు బుజ్జిగాడు నిద్రపోలేదు.అలసి సొలసి ఇంటికి చేరుకున్న గీత కొడుకుని దగ్గరకి తీసుకుని ముద్దాడ సాగింది.అప్పుడే ఇంట్లోకి అడుగు పెట్టాడు సందీప్."ఎంత సేపయ్యింది వచ్చి" అని గీతతో మాట్లాడుతుండగానే,గీత అమ్మగారు పంపులో నీరు బాటిల్ లో పట్టి, బుజ్జిగాడికి పట్టసాగింది. అది చూసిన సందీప్ గట్టిగా అరిచినంత పని చేసాడు.'ఎన్ని సార్లు చెప్పానండి మీకు?పంపులో నీరు బాబుకి పట్టద్దని? చెపితే మీకు అర్ధం కాదా?" అని విస్సుకున్నాడు సందీప్ గీత తల్లిని.అల్లుడు అలా మాట్లడితే ఆవిడకు కూడా కోపం వచ్చి "మాకు తెలీదా పిల్లలను పెంచడం?" అని ఎదురు చెప్పింది. విస్తుపోయి ఆవిడ వంక చూస్తూ,మీకు చాలా సార్లు నెమ్మదిగా చెప్పాను, అలా చెయ్యొద్దని..మీకు నా మాట అంటే లక్ష్యం లేదు.అయినా మిమ్మల్ని అని ఏమీ లాభం?మా పిల్లలను మేము పెంచుకోకపోవడం మా దురదృష్టం"అనేసి విసురుగా,బాబుని ఆవిడ చేతిలోంచి లాక్కొని తన రూం లోకి వెళ్ళిపోయాడు సందీప్.గీత తల్లి అల్లుడు ఇంత అవమానం చేస్తాడా అంటూ,ఏడవసాగింది."ఎవ్వరి చేత ఒక్క మాట అనిపించుకోలేదు నేను,ఈ రోజు నీ గురించి ఇన్ని మాటలు పడాల్సి వస్తుంది"అని కూతురుని చూస్తూ, ఏడ్చింది ఆవిడ.తల్లి బాధపడుతుంటే, ఒక్కసారిగా గీతకు ఆవేశం వచ్చి సందీప్ దగ్గరికి వెళ్ళి బాబుని లాక్కుని, నీకసలు బుద్దుందా? పెద్దవాళ్ళతో మాట్లాడే పద్దతి అదేనా? మగవాడినన్న అహంకారం చూపిస్తున్నావా?అమ్మ అంత దూరం నుంచి ఇక్కడికి వచ్చి ఈ వయస్సులో బాబుని చూసుకుంటుంటే కృతజ్ఞతాభావం ఉండాల్సిన నీకు అది లేకుండా..మా అమ్మని విస్సుక్కుని కేకలు వేస్తావా అసలు నువ్వు మనిషివేనా?అంటూ కోపంతో ఊగిపోయింది.మాట,మాట పెరిగింది వారిద్దరి మధ్య.తల్లితండ్రులు వింటున్నారే అన్న తలంపు కూడా లేకుండా,ఆవేశం తో నోటికి వచ్చినట్లు మాట్లాడి,సందీప్ ని తిట్టసాగింది.బయటకి వచ్చి,మర్యాదగా తల్లికి క్షమాపణ చెప్పమని బెదిరించింది.అత్తగారు,మావయ్యగారి ముందు గీత తనని అలా నిలదీసి మాట్లాడడం సందీప్ కూడా సహించలేకపోయాడు.గీతని గదిలోంచి బయటికి నడవమని ఆదేశించాడు.వినలేదు గీత.గీత చెంప చెల్లుమనిపించాడు సందీప్.ఉక్రోషంతో చేతికి అందిన సరుకులన్ని సందీప్ మీద విసిరెయ్యసాగింది గీత."నన్ను కొడతావా"అని అవేశపడిపోతు.

ఇంతలో గీత తల్లితండ్రులు వచ్చి కల్పించుకుని తనని వేరే గదిలోకి లాక్కెళ్ళిపోయారు.గీత తండ్రి కూడా ఆవేశం తో ఊగిపోతు అల్లుడిని తిట్టసాగాడు."ఎంత ధైర్యం రా నీకు?అల్లారు ముద్దుగా పెంచుకున్నాను నా కూతురుని,కష్టపడి చదువుకుంది,విదేశాలకి వచ్చింది.నీకంటే ఎందులో తక్కువ?దాని ఒంటి నీద చెయ్యి వేస్తావా నువ్వు" అంటూ పట్టరాని అవేశం తో ఊగిపోయాడు అతను.డోర్ లాక్ చేసుకుని తల పట్టుకుని కూర్చుండిపోయాడు సందీప్.ఒక అరగంటలో సందీప్ ఇంటికి కాప్స్(పోలిసులు) రావడం,గీతని కొట్టావా అని ప్రశ్నించి తమతో తీసుకెళ్ళిపోయారు.గీత 911 కాల్ చేసి తనపై పిర్యాదు చేసినట్టు అర్ధం అయ్యింది సందీప్ కి.
(ముగింపు తరువాయి టపాలో)

సరదా సరదాగా...

"వనజ వనమాలి"గారు,నమస్కారం అండి,"కబుర్లు కాకరకాయలు"ఏమన్నా ఉంటే కాస్త చెబుదురూ..మీరు ఎన్నో వైవిధ్యభరితమైన టాపిక్స్ తో అవలీలగా టపాలు రాసేస్తుంటారు.అసలే ఈ మధ్య పిల్లలందరికి పరీక్షలని,నా స్నేహితులందరు తెగ బిసీ అయిపోయారు."పని లేక"తోచటం లేదు,తీరిక సమయం ఎక్కువయ్యింది"అని అన్నాను.సరే చెప్పండి"తెలుగు వెన్నెల"గారు,ఎక్కడ మొదలుపెడదాము?నాలుగు పుస్తకాలు చెపుతాను,అవి చదువుకోండి,హాయిగా...పుస్తకాలు ఎక్కువ చదివితేనే కదా భావ ప్రకటన అద్భుతం చెయ్యగలుగుతారు మీరు కూడా టపాలలో?"కష్టేఫలే"అన్న విషయం తెలుసు కదా మీకు?మరి ఇంక మొదలుపెట్టండి చదవటం మన గొప్ప తెలుగు సాహిత్యాన్ని" అని ఒక సలహా పాడేసారు ఆవిడ.

ఏదో"ఔను,నేను బ్లాగ్ మొదలుపెట్టాను"అనుకున్నానే కాని,అందులో "సాహితి"విలువలు ఉన్నాయా లేదా అన్న విషయం మీద అలోచనే లేదు కదా?నా రాతలన్ని"నాతో నేను నా గురించి"అనుకున్నాను."నా తెలుగు" భాషని మరవకుండా ఏదో నాలుగు ముక్కలు రాస్తే చాలు కదా అన్న "తెలుగు భావాలు"కలిగి ఉన్నానే ఇన్ని రోజులు.నాలో ఆ క్షణం ఉవ్వెత్తున లెగిసాయి"అలోచనాతరంగాలు".చిన్నప్పుడెప్పుడో"తాత,వారి డైరీ" రాతలను ఎగతాళి చేసాను కాని,ఇప్పుడు నేను బ్లాగ్ అని పేరు పెట్టి  చేస్తున్నదేమిటో!పుస్తకాల షెల్ఫ్ నుండి"కవితా సుమహారం" అందుకున్నా."శ్రీ కవితలు"అన్న పేరుతో ఒక పుస్తకం ఎప్పటికన్నా నేను కూడా రాయాలి అన్న అవేశం తో!కవితలు చదువుతూ"నా చిన్ని ప్రపంచం" అదేనండి నా బ్లాగ్ , అందులో నేను రాసుకున్న రాతల వంక, వాటికి వచ్చిన "స్పందన" చూసుకుంటూ మురిసిపోయా."ఆనందం" (aanamdam) తో. 

ఇంతలో నా  సహచరుడు గంటలు గంటలు ఆ అంతర్జాలంలో ఎందుకు సమయం వ్యర్ధ పరుస్తావు అని విస్సుకోగా,ఇంతేలే ఈ"జీవితం"అని నిట్టూర్పు విడిచి లాప్టాప్ మూసేసాను.IPOD లో "నవ రస(జ్ఞ) భరితం"  అయిన "తెలుగు పాటలు"వింటూ పనిలో నిమగ్నమయ్యిపోయాను.అరగంటలో "వేడి వేడి సమోసాలు" తయ్యారు చేసాను.ఇంక లాగించేద్దామా అనుకుంటుండగా పక్కింటి"రవిగారు"ఎదురింటి "NIHAR" పలకరించడానికి వచ్చారు.నా సమోసాలలో భాగం వీరికి కూడా పంచాలి కాబోలు అని కించిత్తు బాధపడుతూ ఎక్కడో"చిన్ని ఆశ"తొందరగా వెళ్ళిపోతారేమో అని.తొందరగా వారిని సాగనంపడానికి నా"అలోచనాస్త్రాలను"సంధించాను.ఇంతలో"శ్రీ లలిత"సహస్రనామస్తోత్రం చదువుకుందామని స్నేహితురాలి ఫోన్ రావడం తో,వచ్చిన అథిదులను పంపించేసాను.స్నేహితురాలి ఇంటికి వెళ్ళి తలుపు తట్టాను.స్వాగతం రా"ఇది శశి ప్రపంచం"అంటూ ఆహ్వానించింది.ఆవిడ పూజ గదిలో"యశోదకృష్ణ"చిత్రపటం గోడకి తగిలించి ఉండడం చూసాను.అలంకరించి ఉన్న శ్రీకృష్ణుడి విగ్రహం వైపు చూస్తే అప్రయత్నంగా నేను"మాలతీమాధవం"అనుకోకుండా ఉండలేకపోయాను."శ్యామలీయం" అయిన శ్రీకృష్ణుడి విగ్రహం నాకు ఆ క్షణంలో"లీలా మోహనం"గా అనిపించింది.భగవన్నామ"స్మరణ"లో కొద్దిసేపు గడిపాను.పూజకి "పద్మార్పిత"నువ్వే,చెప్పినట్టు చెయ్యి అంది పక్కింటావిడ.పూజ ముగించుకుని ఆరుబయట బాల్కని లోకి వచ్చి నించున్నాను.అంతవరకు ఉన్న వాతావరణం మారిపోయి వర్షం కురిసింది.ఆకాశంలో "ఇంద్రదనుస్సు"ప్రత్యక్షం."నాలో మాట"ఒకటి ఆ క్షణం అందమైన పాట గా మారి,"సరిగమలు"పలికింది.ఇవన్ని"చిన్నిగుండె చప్పుళ్లు"కదూ అనుకుంటూ ఆ "Nature Tints"ని చూస్తూ పరవసించిపోయాను.ఇంతలో ఇంటినుండి పిలుపు వస్తే"ఎందుకో, ఏమో"అనుకుంటూ హడావిడిగా పక్కింటావిడకు వెళ్ళొస్తానని చెప్పాను.

ఇంట్లో టాటా "ఫోటాన్‌" ప్లస్‌ TV లో TV9  చానల్  చూస్తూ ఇంటి సభ్యులు త్రీవ్రమైన చర్చలో మునిగి ఉన్నారు.TV ఎదురుగా కూర్చున్న అమ్మని నన్ను మార్చి మార్చి చూస్తూ, ఇంట్లో వాళ్ళు "తెలుగు బ్లాగు-సీరీయల్ ముచ్చట్లు" అని ముసి ముసి నవ్వులు నవ్వుకున్నారు.అదేనండి నేనేమో బ్లాగులు చూస్తానని,అమ్మేమో సీరియల్స్ చూస్తుంటుంది అని మమ్మల్ని అలా ఎత్తిపొడుస్తారు వాళ్ళు.అసలు ఆ TV9 చానల్ ఎందుకు పెట్టారు? వేసిన న్యుస్ మళ్ళీ మళ్ళీ వేసి విసిగించేస్తారు అంటూ అందరినీ ప్రశ్నించాను.అయినా ఆ"రవిశేఖర్ హృ(మ)దిలో"ఏముందో కాని ...అని మండిపడ్డాను.రవిశేఖర్ కాదోయి రవిప్రకాష్ అంటూ వచ్చింది సమాధానం.ఏదో ఒకటి అని విస్సుకుంటూ ఈ TV9 చానల్ ప్రజలు చూడకుండా"మనం ఏమీ చెయ్యలేమా"అనుకుంటూ ఎప్పుడో,ఎవరో పెట్టాలి ఈ చానల్ వాళ్ళకి"చాకిరేవు"అనుకున్నాను."నా అలోచనల పరంపర"లో అలా నేను కొట్టుకు పోతుండగా ఫోన్ మోగింది."మానస"దగ్గరనుండి ఫోన్. నేను అభిమానంగా"మనస్వి"అని పిలుస్తా తనని."మన కాకినాడలో" విశేషాలు ఏంటి అని తనతో కబుర్లలో పడిపోయాను.

TV లో"అంతర్ముఖం"ప్రోగ్రాం చూస్తున్నారు అందరు. ఎలా చూస్తున్నారో ఈ ప్రోగ్రాంస్ అందరు ఆంధ్ర రాష్ట్రం లో అని అబ్బురపడుతు ఒక్క ప్రొగ్రాం అయినా,"సుజన-సృజన"గా లేదే అనుకుని,నా లాప్టాప్ మళ్ళీ తెరిచాను.పత్రికా ఆఫీస్ లో పనిచేస్తున్న సోదరుడు,లాప్టాప్ మూసేసి వస్తే కబుర్లు చెపుతాను అని నాతో అంటే, సర్లే నీ"Jurno Dreams"లో నువ్వుండు,నా లోకం లో నేనుంటాను అంటూ నవ్వాను.ఇంతలో చదువుతు ఆపేసిన కవితలు గుర్తుకోచ్చి,కవితలు చదవసాగాను."వరూధిని"ప్రవరాఖ్యుల మీద కవితలు చదువుతున్నంత సేపు నేను"అమృతమథనం"చేస్తున్న భావన.నా లోకం లో నేను మునిగి ఉన్న వేళ ఇంట్లో వారందరు నవ్వుకుంటుంటే నేను వారి వంక నిర్లక్ష్యం గా ఒక చూపు విసిరి"నవ్వితే నవ్వండి"అనుకున్నాను.నెమ్మదిగా ఇల్లంతా సద్దుమునిగి పోయింది.నేను మాత్రం అలా చదువుకుంటూ ఉండిపోయాను.ఇంతలో అంతా"రవీయం" అన్నట్లు చీకట్లు తొలగిస్తూ"భాస్కర్"డు వచ్చాడు.

(ఈ టపా సరదాగా నేను చదివే బ్లాగ్స్ , మరియు నా బ్లాగ్ చదివి ఎల్లప్పుడు నన్ను కామెంట్స్ రూపేనా ప్రోత్షహించిన ఎందరో బ్లాగర్స్ బ్లాగ్ పేర్లతో అల్లిన కల్పిత కథ. )

సరదాగా చందమామనే చేతి వేళ్ళపై నిలబెడతావా?

                                          

         

Above photographs are clicked by "Laurent Laveder".
Website: www.pixheaven.net   

ఉగాది పండుగ గడిచింది ఇలా..

గారెలు,పులిహోర,బొబ్బట్లు
కాజాలు,లడ్లు,కొబ్బరి ఉండలు!
మైసూర్పాక్ ఇంకా ఎన్నో నోరూరించే తినుభండారాలు
ఉగాది పండుగ రోజు వడ్డించింది స్నేహితురాలు!

పండుగ అన్న పేరు చెప్పి చేసేసింది ఇన్ని వంటకాలు
దీనికేంటో ఈ తెగులు,కూర్చోవచ్చుగా వేసుకుని కాలు మీద కాలు!
దానికి తోడు మా కోడలు చాలా పనిమంతురాలు
అంటూ దాని అత్తగారు తీస్తారు దీర్ఘాలు!

స్నేహితురాలి కూతురు "చిన్ని" గురించి తీసా నేను ఆరాలు
ఎక్కడుంది ?కనపడటం లేదే అని అడిగా వివరాలు!
చదువుకుంటున్నారు కలిసి  చిన్ని,నీ కూతురు అమ్ములు
విసుక్కుంది స్నేహితురాలు,తెలిసి ఎందుకు వేస్తున్నావంటూ ప్రశ్నలు!

ఉగాది విందు చెయ్యమంటూ వేసింది అందరికీ విస్తర్లు
స్వాధీనం తప్పుతోంది మనసు చూసాక అన్ని పదార్ధాలు!
ఆలస్యం దేనికి తినమని తొందర చేసింది స్నేహితురాలు
ఉండబట్టలేక  వడ్డించుకున్నా గారెలు,లడ్లు,కాజాలు!

గమనించా అప్పుడు శ్రీవారి కళ్ళలో నిప్పులు
అర్ధం కాక ఏమిటన్నట్టు ఎగరేసా కనుబొమ్మలు!
విస్సుగ్గా తిప్పుకున్నారు నా వైపు నుంచి తన చూపులు
తడబాటుతో చూసుకున్నా నేను వేసుకున్న దుస్తులు!

అర్ధం కాక ఆయనగారి విసవిసలు
విషయమేమిటా అని మనసులోనే పడ్డా తర్జన భర్జనలు!
ఇంతలో సుడిగాలిలా దూసుకొచ్చారు హాల్లోకి చిన్ని ,అమ్ములు
వారిద్దరు చిన్నపట్నుంచి కలిసి పెరిగిన నేస్తాలు!

చేసిన వంటకాలేమీ తమకు వద్దంటూ చేసారు మారాలు
పెట్టింది తినాలి, ఎదురు చెప్పకూడదంటూ చెప్పా వారికి పాఠాలు!

అయినా ససేమిరా అన్నారు ఆ చిన్నారులు
తప్పక స్నేహితురాలు ఆర్డర్ చేసింది పీజ్జాలు!

స్నేహితురాలి అత్తగారు లంకించుకున్నారు తిట్లు
బొత్తిగా బాలేదంటూ మా పిల్లల పెంపకాలు!
చెప్పింది విని,పెట్టింది తిని పెరిగారమ్మా మా పిల్లలు
ఆడింది ఆటగా,పాడింది పాటగా పెంచుతున్నారు మీరు.. అంటూ ఆవిడ విసవిసలు!

ఆవిడకు ఎదురుచెప్పలేక,పిల్లలకు నచ్చచెప్పలేక పడ్డాము మేము పాట్లు
రోజులు మారాయి,మీకు తెలీదంటూ చెప్పాము ఆవిడకు నీతులు!
మాకు తెలుసు పిల్లల పెంపకంలో మేము చేస్తున్న తప్పులు

ఒప్పుకోవడానికి అడ్డొచ్చాయి మాకు అహాలు!

పండుగ రోజు కూడా ఏమిటో ఈ  గొడవలు
అనుకుంటూ వేసుకున్నాను విస్తరిలో ఇంకో రెండు లడ్లు!
అప్పుడు గుర్తొచ్చాయి నాకు శ్రీవారి నిప్పులు చెరిగే కళ్ళు
ఇంకేముంది..పరిగెట్టాయి నా గుండెల్లో రైల్లు!

మనసంతా ఒక్కసారిగా ఆవరించింది దిగులు
ఈ మధ్య మా దంపతుల మధ్య తరచూ తగాదాలు!
కోప్పడుతూనే ఉన్నారు నన్ను రాత్రి పగలు
చేసినట్టు నేను ఏవో నేరాలు!

విందు అయ్యాక చెప్పుకున్నాము కొన్ని కబుర్లు
ఇంక వెళదామా అంటూ తీసారు శ్రీవారు కారు తాళాలు!
ఇంకాసేపుందామంటూ గొడవ చేసింది అమ్ములు
తొందరగా కానివ్వమంటూ,ఆగాము ఇంకో పది నిమిషాలు!

ఇంటికి చేరాక.. లేవు శ్రీవారికి నాకు మాటలు
వేసుకుని కూర్చున్నారు తన ముందు ఏవో పుస్తకాలు!
ఇంక తప్పదు చెయ్యాలనుకుంటూ సంధి ప్రయత్నాలు
చెప్పటానికి సిద్దపడ్డాను క్షమాపణలు!

ఈ ఒక్కసారికి క్షమించమంటూ వేసుకున్నా నేను లెంపలు
మళ్ళీ తన మాట జవదాటనని చేసా ప్రమాణాలు!
నాకెందుకు అమ్మాయి..నీ ఇష్టమంటూ చిందించారు చిరునవ్వులు
అడ్డూ,అదుపు లేకుండా తింటే స్వీట్లు, పెరిగేది నీ వంట్లొనే కేలరీలు!

ఉగాది పండుగ రోజు కూడా తప్పలేదు నాకు చివాట్లు
రోజు ఇలాంటివే మా మధ్య జరుగుతున్నాయి కేలరీల యుద్దాలు!
మితంగా తినాలని ఎన్నిసార్లు తీసుకున్నా నిర్ణయాలు
అదుపు తప్పి తినేస్తాను లడ్లు, కాజాలు,బొబ్బట్లు..అంధ్రా పిండివంటలు!

విజయ సంవత్సర ఉగాది శుభాకాంక్షలు!!

షడృచుల ఉగాది పచ్చడి-జీవితానికి అర్ధం చెప్పింది..

చిగురులు తొడిగే చెట్టు-ఇక్కట్లెన్నున్నా,సరికొత్త జీవితాన్ని ఆరంభించమంది..

వసంతాన్ని ఆస్వాదిద్దాం!

కొత్త సంవత్సరాన్ని స్వాగతిద్దాం!

బ్లాగ్మిత్రులందరికీ విజయ సంవత్సర ఉగాది శుభాకాంక్షలు!!

Pic sources: Google images

శ్రీవారి ప్రయాణం-నెచ్చెలి సందేహం

Artist :Prashant Pawar

"హమ్మాయ్య! రెండు వారాలు మనకి పండగ!" అంది హారిక
"ఎందుకలా?" అమాయకంగా అడిగింది ప్రియ నెచ్చెలి గీతిక
"శ్రీవారు రెండు వారాలు ఉండరుగా,అందుకే బోలేడంత తీరిక
పనిలో పని నేను కూడా చెక్కేస్తా అక్క దగ్గరికి ఫ్లోరిడ"

అసూయగా చూస్తూ గీతిక అడిగింది నెమ్మదిగా
"ఎక్కడికోయి మీ శ్రీవారి విహారం నీ తోడు లేకుండా?"
చిరునవ్వుతో చెప్పింది హారిక,"అడగలేదు నేను అంత వివరంగా
కావలట వారికి బ్రేక్..అలసి సొలసిపోయారట ఎన్నో రోజులుగా"

"బ్రేక్ అంటే?"అడిగింది గీతిక సాలోచనగా
హారిక చెప్పింది ఇలా.."నిత్య జీవితం నుండి కాస్త వైవిధ్యంగా
కొద్ది రోజులు గడపాలని వారికి ఉంది ఒక కోరిక
కాదనగలనా వారి మనసు తెలిసాక?"

"విడ్డూరంగా ఉందే!" నొసలు ముడిచింది గీతిక
"జంటగా కాక ఒంటరిగా వెళ్ళాలని ఎందుకో మీ శ్రీవారికి అంత కోరిక
తీర్చగలవా నా సందేహం కొద్దిగా?"
చిరునవ్వు నవ్వింది మళ్ళీ హారిక

"సూర్యుడి చుట్టూ భూమి తిరిగినట్టుగా
ఈ ప్రపంచమంతా ఒక చుట్టు చుట్టాలి అన్నది శ్రీవారి ఆశయంగా?
నాకు లేదోయి మరీ అంత ఓపిక
నా లోకమంటూ నాకు ఒకటి ఉందిగా!"

అనుమానంగా చూసింది గీతిక
"ఔరా!నీ వారందరు చూడరా నిన్ను వింతగా?
శ్రీవారిని ఒక్కరినే అలా పంపిస్తే షికారుకి ఒంటరిగా
జంటగా నిన్ను తీసుకువెళ్ళాలని అనిపించలేదా మీ శ్రీవారికైనా?

అలుమగలెప్పుడు జంట కవులవలె అంటుకు తిరగాలని అన్నారుగా
దీనికేమిటి నీ సమాధానం?"అని ప్రియ నెచ్చెలి నిలదీయగా
"ఇద్దరి అభిరుచులు కలవాలని లేదుగా
ఒకరి ఇష్టం ఇంకొకరు తెలుసుకుని,మెలగాలిగా" అంది హారిక

"భార్యాభర్తల బంధానికి అర్ధం తెలియదా?
ఏ బంధం లేకుండా కలిసి జీవిస్తున్నవారిలా..మీరు అనిపిస్తున్నారు మరి నాకు కొత్తగా!
అయినా ఎలా నమ్ముతావోయి అంతలా?
రహస్య ప్రియురాలితో వెళితే ఒకవేళ నీ శ్రీవారు జంటగా?" అడిగింది గీతిక

సూటిగా నెచ్చెలి కళ్ళలోకి చూస్తూ అడిగింది హారిక
"వివాహానికి పునాది నమ్మకమేగా?
వివాహమంటే స్త్రీ,పురుషులిద్దరి స్వేఛ్ఛా జీవితానికి స్వస్తి కాదుగా?
వ్యక్తిత్వాలను నిలబెట్టుకుంటూ,తోడుగా,నీడగా జీవితం గడపడమేగా?

ఒకే ఆత్మగా భార్యాభర్తలు జీవించినా
ఎవరి అలోచనా విధానం వారిది అయితే తప్పు కాదుగా?
నా తీరిక సమయానంతా అక్కతో కలిసి గడపుతా హాయిగా
శ్రీవారికేమో ప్రపంచమంతా చూడాలని మరి కోరిక

అయినా కొద్ది రోజుల విరహం మంచిదేగా
ఇరవయ్యినాలుగు గంటలు అత్తుకుని ఉంటే బల్లుల్లా
అర్ధం పర్ధం లేని కయ్యాలకు కాలు దువ్వడమేగా
ఉన్నది ఒక్కటే జీవితం,అనుభవిద్దాము హాయిగా!"

ఉలుకు పలుకు లేకుండా చూస్తుండిపోయింది గీతిక
ఏదో కొత్త రహస్యం తెలుసుకున్న దానిలా!
వారిద్దరి సామరస్యం వెనుక ఉన్న చిట్కా
కనుగొన్నాననే తృప్తితో ఊపిరి పీల్చుకుంది తేలికగా!

అమెరికా చదువులు-7

చాలారోజులుగా టచ్ లో లేని స్నేహితురాలు పద్మ ఫోన్ చేసింది.క్షేమ సమాచారలయ్యాక,అడిగాను అబ్బాయి ఏమి చదువుతున్నాడు అని."సాయి హైస్కూల్ కి వెళతాడు తొందరలో"అంది పద్మ."అప్పుడే పెద్దవాడైపోయాడే"అని నవ్వాను."నాకు మాత్రం దిగులుగానే ఉంది,హైస్కూల్ కి వెళుతున్నాడన్నమాటే కాని Time-management skills అసలు లేవు"అంది పద్మ."వాడే నేర్చుకుంటాడులే,అందరి లాగే"అని ధైర్యం చెప్పాను.

హైస్కూల్ లో successకి దోహదం చేసే ముఖ్యమైనవి మూడు factors-timemanagment skills,కొద్దిగా ముందుగా ప్లాన్ చేసుకుని జాగ్రత్తగా సబ్జెక్ట్స్ఎంచుకోవటం,విధ్యార్దులకు నచ్చిన,interest ఉన్నఒకటో,రెండో extra curricular activities ఎంచుకోవడం.హై స్కూల్ లో ఉన్న నాలుగు గ్రేడ్స్ (9-12) లో 7 subjects ప్రతి సంవత్సరం విధ్యార్ధులు తీసుకోవాలి. విధ్యార్ధులందరు math లో ఒకటే లెవెల్ లో ఉండకపోవచ్చు. ఒక అతి సాధారణమైన విధ్యార్ధి హైస్కూల్ లో ఎంటర్ అయినప్పుడు follow అయ్యే sequence ఇలా ఉంటుంది-Algebra-1(9th), Geometry(10th), Algebra-2(11th),pre-calculus(12th).కొద్దిగా advanced students sequence ఇలా ఉంటుంది.Geometry(9th),Algebra-2(10th),pre-calculus(11th),AP calculus AB/BC(12th).Advanced students sequence-Algebra-2(9th),pre-calculus(10th),AP calculus AB/BC(11th),college level math-either multi variable calculus, or differential equations (12th). English sequences-English-9,10,11,12 or English 9 honors,10 honors,11 honors,AP English. SAT exam రాయడానికి విధ్యార్ధులు Algebra-2 level math వరకు చెయ్యగలగాలి.అలాగే English-11 వరకు చదువుకుంటే వారు SAT exam తీసుకోవచ్చు.చాలా మంది విధ్యార్ధులు 7/8 గ్రేడ్స్ లోనే SAT పరీక్ష attempt చేసేసి మంచి scores  తెచ్చుకోగలుగుతున్నారు.SAT-Math,SAT-English,SAT-Writing-మూడు sections లో వచ్చిన marks కలిపి overall score నిర్ణయిస్తారు.Overall score -2400 కాబట్టి,ఒక్కొక్క section లో max score  800.

Science sequence -Biology (9th), chemistry (10th), physics(11th), and one more science class (this varies from school to school in different counties/states, and also can be studen't choice). Typically AP-Bology, AP-Chemistry ot AP-Physics classes are quite popular subjects too. History and social sciences-I will not go in depth into these, except that students require 4 credits here.Students are expected to take  3 creidts of Foreign language (three years of one language or two years of two languages.).Popular languages are spanish, Latin and french.

Quizes,exams,homework load  హైస్కూల్ లో చాలా ఉంటుంది.ఇక music,sports వగైరా extra curricular activities pursue చేస్తున్న విధ్యార్ధులకైతే academics మరియు వారి EC's balance చేసుకుంటూ, మంచి grades తెచ్చుకోవటం అంటే ఒక రకమైన చాలెంజ్ అని మనం చెప్పొచ్చు.Model united nations,debate clubs,School's year book club,Scholastic Writing Awards,varsity math teams (USAMO-united States of America Mathematics Olympiad,IMO-International Mathematical Olympiad,Science clubs,Biology olympiad,Physics olympiad,Chemistry olympiad,Science fair-school,regional,state level and Intel science and engineering fair,Siemens Competition in Math, Science & Technology,Intel Science Talent Search, Athletic clubs,Band boosters-All National Concert Band Festival,Choral Boosters,Brain bee,FIRST Robotics Competition (FRC),Spanish/Latin language awards etc.. are highly valued on high school resumes when applying to colleges along with GPA and SAT score.

తరువాయి భాగం లో AP subjects selections-do's and don'ts,EC activities selection,survival skills in high school,tips for earning good GPA and SAT scores (subject SATS) etc..discuss చేసుకుందాము. 
(Please pardon my language and any grammatical or spelling mistakes.)