కలయా నిజమా..

శుక్రువారం సాయంత్రం స్నేహితురాలిని కలిసి డిన్నర్ చేసాక మళ్ళీ కలుద్దామని తనకి చెప్పి నేను కార్ దగ్గరికి రాగానే, ఏదో పాటల సీడి ఉంది ఇస్తాను ఉండు అని ఇచ్చింది. నేను డ్రైవ్ చేస్తూ సరే ఇచ్చింది కదా విందామని పెట్టాను. ఎందుకో రాత్రి 10:00 గంటలు దాటింది, రోడ్డు మీద ఎక్కువ ట్రాఫిక్ లేదు. ఎవో కొన్ని పాటలు వచ్చాయి, కొత్త సినిమాల్లోవే అనుకుంటా, ఇంతలో ఈ పాట మొదలయ్యింది.. కలయా నిజమా.. అంటూ.. ఈ పాట ఎవరు పాడారో, గొంతు చాలా బాగుంది అనుకున్నాను. పాట చాలా నచ్చేసింది నాకు. మళ్ళీ మళ్ళీ విన్నాను.సినిమా చూడలేదు కాని, హనుమంతుడు పాడిన పాట అని గ్రహించాను. కొన్ని నిమిషాల పాటు నా మనసు ఒక తెలియని పారవశ్యం తో నిండిపోయింది.ఇంటికి వచ్చాక ఏంటో దేవుడి పాట కదా, దాని మహిమ అనుకున్నాను.కాని అలోచిస్తే నేను పరవశించింది ఆ పాట సంగీతానికి, ఆ పాట పాడిన వారి గొంతులోని మాధుర్యానికే కాని,భక్తి పాట అని కాదేమో ? ఎదైతేనేంటి మంచి పాట విన్నాను కదా అనుకున్నాను.ఈ పాట పాడింది ఎవరో టిప్పు అట..ఇంతకు ముందు ఇంత మంచి పాటలు వచ్చాయో లేదో కాని ఈ పాట మాత్రం చాలా బాగా పాడాడు. సినిమాలో ఎలా చిత్రీకరించారో ఈ పాట.

కలయా నిజమా వైష్ణవ మాయా

అవునా కాదా ఓ ముని వర్యా

జరిగేదేదీ ఆపగలేను..జననీ వ్యధని చూడగ లేను.

కలయా నిజమా…

పట్టాభి రాముడైనాక స్వామి పొంగిపోతినయ్యా.. 

సీతమ్మ తల్లి గట్టెక్కెననుచు మురిసిపోతినయ్యా. 

సిరి మల్లె పైన పిడుగల్లె పడిన వార్త వింటినయ్యా.. 

ఆ రామ సీత ఆనందమునకు ఏమి చేయనయ్యా.. 

కడలే దాటి కలిపిన నేనూ ఇప్పుడూ ఈ తీరు కు ఏమైపోను. 

శ్రీ రామ ఆజ్ఞ ఎదురించ లేను

దారి ఏదీ తోచదాయే తెలుపుమయ్యా.